張公館

营业中

休息中

27号仲放紧假，带爸爸妈妈去试新嘅中餐馆，饮吓茶先！铁板蜜汁叉烧 ($198)未试过铁板上叉烧咁食，仲要系捧埋嚟𠮶阵先落酱汁，做到渣渣声嘅效果。啲叉烧劲松化，完全唔鞋唔韧，完全唔黐牙，肉质纹理清晰，整体偏甜但好好味！不过食到最尾，只铁板有啲㶶，冇咁靓啰珍菌蘑菇包 ($48)唔再有新意嘅蘑菇包，但呢个又整得好靓，个包嘅面真系好似菇咁样一岩一搀，第一口觉得点解有朱古力味嘅？！食真啲原来系菇味，仲好浓添，但入面嘅菇馅就好似少咗啲，不过食完之后个after taste好劲脆焗虾多士 ($98)一碟6件，失望咗！好似系就咁简单一件多士，上面放几件虾肉，再铺一块卡夫芝士，好求其啫！食落个多士虽然香脆、虾肉都嫩滑(但冇味)、而芝士就溶溶哋咁啰，真系好简单，而且用一块咁嘅芝士实在downgrade咗整道菜瑶柱荷叶饭 ($198)原块荷叶包住嘅饭份量好足，入面嘅料例如猪肉虽然瘦但一啲都唔鞋；虾干劲香，饭粒干身，回味无穷养颜红枣糕 ($48)虽然烟韧度足够，但红枣味唔够浓，有啲失色呢度个景真系好靓，食物价钱当然系包咗嘅，但食物质素唔系超级amazing𠮶种。如果真系想食景嘅，食楼下间韩国鸡更化算。