十下火鍋

我個人對打邊爐真係無分季節。只要有冷氣，好味。夏天都晤會阻礙到我對火鍋既熱愛。近來係銅鑼灣登龍街發現有間懷舊裝修特色的火鍋店。裝修以懷舊設計，桌子椅子餐具都是懷舊設計。感覺十分特別。今次我地叫龍蝦海鮮湯底。滾左十五分鐘左右，店員拎起龍蝦，原來幫我地斬開，方便取肉進食。肉質實肉彈牙多羔，正！龍蝦海鮮湯，除龍蝦外，還有好多海鮮材料，蜆、螺。味道超級鮮甜，簡單一口都十分滿足！火鍋材料都有特別三星蔥爆醬丸，台灣名產味道口感，值得一讚！對愛蔥人士絕對必食！黑松露餃，濃味餃子，皮薄餡多。陳皮魚旦，夠彈牙。一般火鍋店較少提供。自助醬汁因個人喜好選擇。坊間十分少有的牛胸膀油，開頭我以為係脂肪，但食落竟然爽口。好特別！本地牛頸脊，質地肉滑，味道濃郁。手打三滑，最鍾意墨魚滑，味道較鮮味彈牙。