十下火鍋

講到多野食，多選擇，銅鑼湾梗係首選啦，中西意日法，任君選擇！今次我就同媽咪去咗登龍街，聽講有間懷舊火煱一於試吓！係門口已經好有feel, 紙皮石，屏風，財神，入到去仲有幾部舊式雪櫃，係以前細個時屋企都係用呢個架。地方大坐得好舒服。講到食物，有二人餐，有散叫，有好多款湯底揀。一向海鮮控既我梗係要鮑魚龍蝦海鮮煱啦，超足料，扇貝，蚌，蜆，螺，加埋個湯真係好鮮甜，龍蝦既膏好香，鮑魚爽脆，個餐仲有好多野食，黑松露帶子餃，脤卜卜架好好食，十下三宝滑，墨魚加咸蛋黃，好香好特别(我最like), 鯪魚加臘腸，牛肉加馬蹄，脆炸魚骨，寬冬粉，吸哂海鮮精華既湯，冇得彈我食咗—大碗，仲有大大件既餉玲，再加—楂冬瓜茶，甜度適中，真係抵食。