喫茶ちょうぼ

营业中

休息中

平日喺銅鑼灣等佢收工，就黎到銅鑼灣世貿中心樓上嘅日本餐，成間餐廳嘅環境都好chill，好適合放工要輕鬆一下。先黎個紅豆冰鯛魚燒，鯛魚燒仲要係炸過嘅，超正！甜度適中，不錯不錯👍🏻另外我嗌左綠色麻糬沙冰，麻糬超軟熟，加入令整體更豐富，加埋超濃綠茶，好香。蔥油香菜唐揚炸雞炸得好脆，雞肉都嫩口，多汁，加埋蔥油同香菜，幾 match! 若葉牛油果蛋包飯啲蛋整到極軟熟，個生熟得調得啱啱好，配埋啲牛油果同忌廉汁，比例調得好。炸軟殼蟹咖喱飯，軟殼蟹炸到金黃色，賣相睇落都已經好正，加埋咖喱汁，唔係一般得個甜字嘅日式咖喱，配搭得好。另外不得不提6月優惠活動，堂食每消費滿$150即可抽獎夾蛋一次，獎品包括蛋包飯一客、飲品買一送一和全單八折券。試左第3次我夾中左一客蛋包飯，有得食又有得玩❤️期待下次！