影片
开饭介绍
以浅木色作主调的和风cafe，其旋转楼梯、树木等布置充满时尚感，而窗边座位有海景相伴，配上精致的和洋食品，气氛相当写意。
继续阅读
营业时间
今日营业
11:30 - 22:00
星期一至日
11:30 - 22:00
*最后落单9:O0PM
以上资料只供参考，请与餐厅确认详情
有关奖赏计划
优惠
今次去咗铜锣湾世贸中心嘅「吃茶ちょうぼ」，成间餐厅以木系装修为主，搭配大量绿色植物同粉红元素，真系好似入咗森林入面咁！食物摆盘精致到不得了，仲要劲多粉红色选择，完全击中少女心～现场人气爆棚，建议大家一定要电话订位先啊！———————————————🌟 花见鳗鱼蛋包饭 ($135)打卡必点！粉红色蛋包饭带有淡淡士多啤梨香气，店员会即场切开流心蛋包，再淋上一层粉红色酱汁，摆盘仲有小花花装饰，真系少女心大爆发！以为得个样？最惊喜系个饭底好似用汤煮过好入味，咬落烟韧有口感，旁边仲配咗条超大鳗鱼，啖啖肉超满足～🌟 浓醇明太子吞拿鱼意粉 ($128)虽然摆盘相对简单，但味道绝对唔简单！平时出面嘅明太子意粉多数用粉红色酱，但呢度真系铺满一层明太子系面，味道浓郁鲜香，配埋忌廉汁底，每一啖都充满层次感！🌟 樱花满开戚风蛋糕 ($66)又一个打卡神器！蛋糕上面有精致嘅樱花图案同白色草莓，cream带淡淡椰香，蛋糕体松软，甜度适中，食完完全唔会腻～🌟 樱漾气泡梳打 ($46)杯本身都面头都有樱花，非常梦幻！味道其实系梅子味梳打，第一啖可能会觉得有少少怪，但饮多几啖就会爱上佢酸酸甜甜嘅清爽感。🌟 培茶麻薯沙冰 ($52)培茶味香浓突出，上面仲有一旧软糯麻薯，唯一美中不足系沙冰太冻，溶得比较慢，最后变到似食紧甜品，但味道依然好好～
继续阅读
【明太子吞拿鱼意粉】弹牙义大利面裹上橙红明太子奶油酱，微辣咸鲜的鱼卵同吞拿鱼，每一口都充满浓郁和风滋味。 【花见鳗鱼蛋包饭】蓬松滑嫩的半熟蛋包饭，最特别就系用咗红菜头天然的颜色，蛋皮划开的瞬间流出半熟蛋浆，与甜菜根独有的 earthy 甜香，拌入忌廉同芝士增添醇厚，原条鳗鱼淋上琥珀色照烧酱炙烤，蛋香与鳗鱼视觉与味觉都跳脱传统蛋包饭框架，而且好适合打卡【樱花满开戚风蛋糕】戚风蛋糕体如云朵轻盈，散发着淡淡樱花香气🌸樱漾气泡梳打淡粉色的气泡，樱花糖浆晕染出柔和的渐变，有盐渍樱花，花瓣在气泡有淡淡幽香🍑白桃梳打淡蜜桃色的气泡水，顶层浮著白色忌廉似一朵云，味道好清爽
继续阅读
好耐冇见嘅朋友，有啲嘢想倾，所以想揾间静啲嘅地方，呢度绝对系适合。地方都算大，门口附近有打卡位，走文青风格。另外窗口位对海，环境不错，仲有好多人带宠物嚟影相添。至于食物就中规中矩，唔算有大惊喜，但亦唔唔算差。朋友食素，就叫咗个茄子意粉走烟肉。我自己就因为唔太肚饿，所以叫咗个Parma Ham多士，加咗芝士，香口，好味👍🏻。另加杯latte☕️，绝对足够慢慢一路倾偈，一路食。有件有趣事，就系店员会Sell我哋买佢哋餐厅嘅coupon，就好似去酒楼食饭，俾个部长Sell买月饼一样😂
继续阅读
呢间日式咖啡店，店内播住悠闲嘅音乐，配合木系家私同绿色植物，感觉好舒服。坐喺靠窗位仲可以望到避风塘嘅游艇景色，环境真系好写意。最近店家推出咗樱花主题套餐，我同朋友决定试吓。首先试咗明太子吞拿鱼意粉，味道鲜美，意粉煮得啱啱好，明太子嘅咸香同吞拿鱼嘅鲜味配合得非常好。接住系花见鳗鱼蛋包饭，鳗鱼嫩滑，蛋包饭香滑可口，加埋酱汁，味道非常丰富。甜品方面，我哋试咗樱花满戚风蛋糕，蛋糕松软，旁边的樱花忌廉味道清香，唔会太甜，啱晒我哋嘅口味。饮品方面，我哋拣咗樱花气泡梳打同抹茶牛乳。樱花气泡梳打清新解渴，带有淡淡嘅梅的香气；抹茶牛乳则浓郁香滑，抹茶味道顺口回甘。总括嚟讲，呢间咖啡店嘅樱花主题套餐真系值得一试，无论环境定系食物都令人满意。
继续阅读
儿家系樱花季，好多餐厅都用樱花做主题去整啲季节限定菜式，行过见到呢个粉红色鳗鱼蛋包饭，吸引左我入去试下佢😝叫左个花见鳗鱼蛋包饭，落枱店员会帮我地切开，一切开啲滑蛋流哂出黎🤩粉红色既蛋同酱汁我真系第1次见😂原来系红菜头整成既😆麻婆豆腐烩乌冬又麻又辣，连埋肉碎同豆腐食好惹味，麻婆豆腐饭就食得多，估唔到捞乌冬都咁夹🤤甜品叫左樱舞绽放盛合，戚风蛋糕、水信玄饼、红豆糯米丸子、士多啤梨🍓蛋糕好松软，丸子好烟靭，水信玄饼整得又靓～重点系全部都唔会太甜，岩哂我口味😌朋友杯樱漾气泡梳打淡粉红色几靓～我叫左抹茶麻薯沙冰，沙冰上面有劲大旧牛奶麻薯，塘Q弹😋
继续阅读