天外天

昨天地鐵故障，係地底又逼，又焦燥，困個半小時，今天上咗天堂，在酒店高級餐廳遊閑嘆茶看海景，坎坷過後有艇搭，人生如有這定律多麼好！豉汁煎釀青椒$68， 細細隻，魚肉餡，有少少墨魚，無蝦，但覺翠園的好些。牛肝菌燒賣$60，細過鼻屎的牛肝菌，一的都都食唔到牛肝菌味，因為佢先至叫，蟹子一的都唔卜卜。薑葱星班餃$78，賣相吸引，豬肉蝦餡料，星班片欠滑，名閣的星班餃滑的。皮蛋叉燒酥$48，整體一般，皮蛋不是糖心，欠咗的野-紫薑。生滾沙田滑雞粥$88，粥食到米是磨後㷛，欠口感黏力，雞唔夠雞味及滑。用會員咭85折，$200現金券，完全接受上述缺點，分數即加。