LAB EAT Restaurant & Bar (金巴利道)

营业中

休息中

星期日嘅晚餐去左間靜靜地嘅餐廳食飯，有儀式感地叫左二人set。店員一碟一碟咁幫我地上菜，有留意到客人用膳嘅速度，反應夠快，而且好友善～ 先到嘅頭盤- 意式生牛肉薄片，配上芝士片，火箭菜，捲埋一齊食非常有層次感，牛肉薄片唔會韌，入口有微微溶化嘅感覺，配上芝士鹹香以及火箭菜較強嘅味道。令人非常有印象，配搭洽到好處。 另外仲有昆布高湯冷凍鮑魚，高湯好似咁果凍一樣包住鮑魚，高湯質感特別，食落微香清湯味，味道唔會太重。而鮑魚食落唔會因為冷凍而過硬，反而食落幾有咬口。 龍蝦海鮮湯一放低就聞到海鮮香味。湯有帶子，同青口，飲落幼滑而且都幾有海鮮味。 主食碳燒澳洲M6和牛牛柳，牛柳厚身，切起黎唔需要太用力，好軟嫰。 碳燒令表面帶少少焦脆，將肉汁封左喺牛柳裏面，好Juicy仲好重牛肉味，有配芥末醬或者配鹽。我就推介配鹽，帶出左牛肉嘅肉香味。 甜品係Tiramisu配意大利 vanilla gelato。Tiramisu味道唔算太濃，食落冇負擔感。質感幼滑，蛋糕底夠濕但唔會太諗。Vanilla gelato配上微酸嘅士多啤梨乾碎，酸酸甜甜，配搭清新。 整體餐廳氣氛唔錯，服務好好，食物都幾有質素，適合悠閒嘅約