Cafe Paradise (已結業)

星期天想悠閒一點，唔煮飯行出街食飯可以休閒一晚。黎到呢間餐廳都幾多人，我就叫左份set dinner。先黎個南瓜湯，忌廉令湯底夠滑，南瓜味就幾濃，夠暖胃呀。跟手黎沙律，食落夠清新，沙律菜夠晒爽，令胃口進一步打開。主菜到啦，係煙三文魚蜆肉天使麵，三文魚經煙薰後保持滑溜口感，味道帶少量煙味仲有鮮味，至於蜆肉鮮鮮甜甜，口感實在，與三文魚一齊帶出鮮味。白汁味與海鮮鮮味好夾，味道滲入天使麵，令簡單的天使麵變成鮮甜味道。最後仲有份甜品，係黑朱古力蛋糕，朱古力味濃厚，蛋糕鬆軟，令整餐添上句號。