點點心 (已搬遷) 新店位置

平時食開沙田店，點心質素都幾不錯。今日係旺角又突然想食點心，就去返點點心。講左正正常常既點心先，燒賣正常既，仲熱辣辣拎出黎。炸雲呑係脆既，啲甜酸汁味道有啲怪怪地咁🙈碟叉燒腸好油，之前食都無試過咁油。呢碗胡椒豬肚湯係最差架😫，一上枱都覺得色水同平時唔同，無胡椒味不突止，完全唔係平時飲既味，怪怪地，豬肚食左一舊都唔想再食。呢到唔知係咪招呼遊客多，所以求其啲呢。同埋冷氣好凍，搞到食物上枱一陣，就好快凍左。今晚只係食宵夜，所以叫得唔多野，下次都係會去返沙田店食。