捌加廿陸天婦羅居酒屋

营业中

休息中

今日去咗一間日本人氣日式居酒屋，未入去先要等位。等咗半個鐘就入座, 入到去氣氛好好, 餐廳樓底好高,掛住日本燈籠喺天花板,一張長木枱坐住10幾個人,一齊食更婦羅、丼飯。仲可以望住廚師，即炸天婦羅比你食。特盛海鮮天丼黑虎蝦兩隻、那歌魚、帆立貝、鰻魚、四季豆果然係「特盛」，超多餸舖係飯上面。最啱我呢種，花多眼亂，樣樣都想叫嘅人選擇。鴛鴦鰻魚丼飯一半鰻魚係用燒汁整成另一半係用天婦羅方式炸成，感覺幾新鮮特別好有創意。小食拼盤（魷魚酥、雞軟骨、唐揚雞）餐前小食，非常適合用來送啤酒。魷魚酥非常彈牙、雞軟骨好脆口，雞粒炸到啱啱好，唔會炸粉醬多過肉，雞肉非常鮮嫩彈牙。提子汽水日本都見有得賣，呢度有得叫。波子汽水細個好鍾意飲檸檬味波子汽水最特別係要將波子撳落去先有得飲。好有兒時回憶。