和道屋

营业中

休息中

本身滿心歡喜去食A4和牛，真係完全估唔到會咁1. 完全唔明白點解每次只係得一張order紙去咁多間放題，人哋每一間都係有一堆order紙，或者用手機落單，係呢間嘢特別唔方便，每次落完單，就要重新攞過一張，係極度麻煩，而且侍應態度完全不友善，完全冇食緊放題嘅感覺2. 張枱已經本身好細，完全唔適合食放題，竟然同我講仲要搭枱，真係成件事得個笑字，比成$600一個人，都坐得完全唔舒服，呢件事真係香港先可以發生3. 侍應態度好差，喺隔離行過諗住叫佢，我成個身轉埋加上拎起隻杯，已經好大動作，佢都可以扮見唔到，仲好戲過梁朝偉同劉德華4. 和牛除咗第一round之外，之後嗰啲都唔太靚，亦都唔肯定係唔係A45. CP值超級低，比成$600 都冇乜嘢食，仲要另外加錢先有嘢飲最近已經好少喺香港食嘢，心諗唔會咁容易撞板掛，點知都係中伏俾咗呢個價錢，好深信可以有更加好嘅食物以及服務質素總結一句，每出一次街食嘢，就可以更加深入感受到點解香港飲食業每況愈下。只希望飲食業能夠自我反省，止於至善。