Honbo (裝修中)

呢間漢堡包店係灣仔日街，附近都係Cafe同d酒吧餐廳，一到夜晚放工就好多人。呢間burger店細細地，位置較為隱蔽，裡面佈置好簡單，夜晚係門口出面都會擺檯凳，好多人一路食住burger一路飲下酒，連呢度侍應都係外國人，幾有外國風情。Apple Pie Iced Tea真係好似蘋果批嘅味道，尤其係佢嘅玉桂粉味十分之濃，整體味道偏甜，呢個蘋果批味都幾特別，值得一試！Mike’s Lemonade檸檬嘅果酸好突出，非常清新，解渴一流！The Gold Standard;配料豐富，有beacon，double cheese，生菜等。牛肉軟腍之餘又有韌勁，口感幾好，特製嘅醬汁同溶化嘅芝士滲入到牛肉之中，每一啖都十分juicy。Honbo 2.0相對起Gold Standard，Honbo系列就無咁多配料，但牛肉嘅鮮味就更為突出！蕃薯薯條 & 芝士薯條食burger無薯條嘅話總係覺得唔完整咁，所以我地都叫左兩款薯條，薯條即炸上檯，蕃薯薯條係粗嘅，味道幾香甜；芝士薯條就係幼款，芝士薯條最好就上檯趁熱食，d芝士凍左之後，個口感就大大降低。