牛繁 (海之戀商場)

营业中

休息中

早兩日去咗荃灣海之戀呢間日本🇯🇵連鎖燒肉店牛繁度食燒和牛，我哋兩個人嗌左兩個午市套餐，另外就散叫左和牛。佢嗰度環境都唔錯，傾偈一流！當自己去咗日本啦😄套餐🥢元氣牛小排 & 元氣牛五花牛小排配燒肉汁，肉質不過不失，配白飯一流，大崎蟹柳沙律，另外仲有個和風菠菜同芽菜牛肉蛋花湯，仲有個北海道牛乳雪糕添！而至於牛五花牛紋分佈比較平均，牛味好充足，呢個牛五花比較肥美，燒起上嚟充滿濃郁油香味😋飲品方便我哋叫咗巨風提子梳打同埋蜜桃乳酸梳打，食完和牛飲返兩杯凍野，正！不得不提，個人最鍾意食係我哋散嗌嘅極上霜降和牛肩翼板扒，牛既油脂分佈得非常之細緻均勻，我覺得有啲似係Donki買嘅黑毛和牛，牛入口即溶，十分香口！