鮨一 (厚福街)

营业中

休息中

早幾日見到網上有人介紹，自己又有一排冇食日本菜，就同朋友一齊去食。夜晚六點幾去到，已經好多人等緊。咁啱七點半前有位就坐低左叫野食。店員好有禮貌，店舖環境唔錯。座位之間有合適空間，有bar枱可以睇住師傅整刺身。朋友叫左蕎麥麵、牛舌、鐵火卷；我食左吉列豬扒烏冬、南瓜蕃薯天婦羅。豬扒好好食！炸粉唔會好厚，豬扒肉質結實。烏冬非常彈牙，湯底好有昆布味天婦羅好脆身，外層薄薄一層粉漿。師傅喺上面灑左少少鹽，除左蕃薯同南瓜既甜味之外有少少鹹味，令食材本身既味道更為突出。食物份量適中，價錢合理，環境唔錯，店員好有禮貌。晚餐時段比較多人，建議大家預約左先去。