Wagyu Ya (已結業)

位於尖沙咀嘅日式燒肉店Wagyu Ya，主打JA鹿兒島直送和牛。今晚決定豪食一次，盡享日式和牛。今晚餐廳好full，得番bar枱有位。一坐低服務生就奉上兩杯熱茶。黎到和牛專門店點可以唔試日式燒和牛！我地點左肉食者拼盤 ($688)，有牛舌、牛肉眼，牛西冷同埋牛三角腩，每款各三件。燒嘅次序都有講究，建議由較少油脂嘅開始燒起，牛三角腩嘅油脂最多，入口即溶。四款入面我最中意牛肉眼，口感香軟得黎又唔會過分油膩。四款牛嘅牛味都十分香濃。和牛色澤嫩紅，霜降脂肪分佈平均，大理石狀紋既細緻又分明，肥瘦勻稱。燒和牛時火力切忌過猛，唔好太大火，烤肉時燒好一邊先好反轉，千祈唔好兩邊反黎反去，咁先能夠鎖住牛肉汁！燒牛肉配上三款醬汁，有燒汁、酸汁同埋岩鹽，風味各有不同。服務生特別推介呢個secret menu海膽多士D海膽份量多到滿瀉，而且真係非常鮮甜！海膽加多士呢個配搭幾新穎，創意滿分！每日限定WAGYU DON ($498) 集所有貴價食材於一身，包括熊本和王和牛、蔥吞拿魚腩蓉、鵝肝、海膽、左口魚邊同埋三文魚籽，表面灑上一層薄薄嘅金箔，更顯高級華麗，靚到唔捨得食！特別一讚餐廳嘅通風系統做得好好，食完都唔會一