麺屋こころ (軒尼詩道)

营业中

休息中

有口福有口福，灣仔一家我好喜歡的麵屋kokoro 最近出左下午茶餐，平時過百塊的一碗撈麵，下午茶餐加小食都係$59，值得要試下。Kokoro 同平時日式餐廳感覺不同，帶有更多的係現代化及新穎的元素，作為麵屋，絕不是普通的拉麵店，而是研發了新的口味產品，日式撈麵，未試過的朋友必須要試下。下午茶餐主要有3 款選擇，我們選了柚子鹽味撈麵（冷麵）及鹽味撈麵，撈麵的主要特色係將所有食材撈埋一齊食，口感同味道都十分豐富，喜歡吃冷麵的選擇柚子鹽味撈麵，柚子味濃郁又特別，最喜歡就是日本雞肉同筍撈埋一齊食，倍感滋味。鹽味撈麵就主打叉燒，呢種日式叉燒經過精心炮製，又係好食到停唔到口。呢度特別之處係食物可以分幾款模式去品嚐，首先食撈麵原味，食左1/3 再放黑胡椒，食左2/3 再放香醋，最後將醬汁還可以撈少少日本飯，真係極之講究卻又帶來滿足感。另外每款拉麵都可以配一款小食，我就選擇了炸雞球同餃子，跟餐仲會附送烏龍茶一杯，認真抵食啊。我就沒有選擇烏龍茶，而係升級選擇了這裡出名的冷萃咖啡同培茶拿鐵，瓶裝又靚又可以飲唔曬拿走，而且味道香濃正宗，大家來到必定要試下啦。