三日月

营业中

休息中

餐廳環境坐得幾舒服，鐵板仲係由日本師傅主理，今日食lunch勝價比都幾高。澳洲龍蝦•美國Prime 肉眼薄燒9道菜午市套餐前菜三小點幾鍾意佢個漬牛蒡同埋茄子好好味，另外個秘製雞肉都幾好食。沙律個沙律醋配埋啲新鮮蔬菜一齊食口感好fresh，整體配搭好好。鮮活澳洲龍蝦見到隻龍蝦超開心，佢呢個價錢嚟講都算好大隻，師傅用啲龍蝦膏離開返落個汁入面，龍蝦鐵板度差唔多熟嘅時候再配埋個汁再鐵板一次，賣相超級靚，食落口嘅時候勁彈牙，同埋充滿着龍蝦膏嘅鮮味超級好食茶碗蒸一食落好大浸濃湯嘅味道，個蛋蒸得超級滑配埋三文魚籽食一流。美國Prime肉眼薄燒卷、鐵板燒日本野菜個牛處理得啱啱好，入面配埋金菇同埋好多蔥一齊咬味道好豐富，每一啖都好有質感。之後食埋啲鐵板野菜可以解一解啲油膩，清新返個口腔。鐵板炒飯出面啲鐵板炒飯多數用蛋，佢呢度會用酸梅醬幾特別，入面仲配埋啲櫻花蝦同埋魚仔，我幾鍾意呢度嘅配搭，酸酸美美幾開胃，食咗一半嘅時候仲可以加埋啲鰹魚汁做湯飯，我覺得仲好食。龍蝦味噌湯呢度嘅食材配搭運用得幾好，之前個龍蝦頭用嚟煮返個味噌湯，個湯即刻提升咗好多，超超級好飲，食埋個甜品勁滿足。