Steak Bar (已搬遷) 新店位置

店如其名，專食牛扒的一個店鋪，但覺得呢度嘅特點係佢嘅煮法唔單止係好普通通嘅西式煮法，日本最流行嘅煮法都有，真心值得一試。我講緊係呢種吉列炸牛，外面一層薄薄嘅脆皮，但入面仲係半生熟的。不過唔使擔心，呢度嘅牛肉都有質素嘅保證。同埋呢一個牛肩的部位好軟熟，好岩甘樣食。如果真係決心完全唔鍾意食生，又想試一試呢一個吉列牛的話，絕對唔需要擔心。佢會有一個板燒比埋你，你可以將牛牛放上上面，燒到自己得適合嘅程度再食。一個牛有兩種食法，兩個味道，勝價比真係好高，非常推薦大家試。除左牛牛之外，仲會有一個沙律同埋白飯配埋，所以保證夠飽。呢度嘅沙律係用咗日式嘅柚子汁，食左開下胃都幾好。仲有個白飯都係非常之有心思，除咗係用珍珠米之外，佢仲會喺白飯上面加左啲味素，唔會寡。雖然店鋪唔算好大，但係坐得都好舒服。如果中意飲番兩杯，坐到去門口嗰張枱，望下人生百態，嘆番兩杯。