十和田 (已結業)

穴子丼(配湯&蒸蛋)$108先上麵豉湯同蒸水蛋。麵豉湯味道啱啱好，配料有紫菜同豆卜。蒸蛋都好滑，裡面有冬菇、蟹柳同白果等配料。穴子魚片切到幾薄身下，其實穴子魚同鰻魚係同科，但穴子魚係屬於海魚，肉質其實同鰻魚差唔多，另外飯底下有一片煎香嘅紫菜幾好味，飯係珍珠米，但有啲凍同硬，口感一般。酸薑反而係最好食嘅。雜錦魚生丼(配湯&蒸蛋)$108份量都幾足下，滿滿嘅魚生鋪滿飯面。有切成粒粒嘅三文魚同吞拿魚，仲有魷魚同鮑魚，青瓜粒同酸薑等。吞拿魚口感厚實有嚼口，三文魚就油潤入口即溶，鮑魚都幾鮮甜。飯嘅口感都係一般。