汐

营业中

休息中

呢間餐廳門口設計好簡約，一入去就見到一張長bar枱同兩張榻榻米，環境好休閒舒適，感覺好似同朋友坐埋一齊傾偈放鬆咁。枱面上放滿咗好多支酒，配合日系木質裝修，氣氛真係正！🍽️明太子八爪魚配北海道刺身帶子丼飯呢個丼飯一上枱就吸引到我！碗身大隻又淺，啲餸同飯一覽無遺，食起來好方便。明太子八爪魚帶點微辣，八爪魚新鮮彈牙，配上北海道刺身帶子，肉質嫩滑甜美，入口即溶。飯粒粒粒分明，吸咗啲醬汁，食落好開胃。份量夠晒，食完有種滿足感，特別啱鍾意海鮮嘅人！🍽️蟹膏甲羅燒配蟹籽及三文魚子丼飯呢個真係一個驚喜！蟹膏甲羅燒香濃滑溜，蟹籽同三文魚子加咗啲鮮味同咬口，配上飯粒粒粒粒分明，味道層次好豐富。碗設計淺大，啲餸好易拎起食，唔使擔心跌落嚟，份量同質素都幾抵食。