麺屋こころ (軒尼詩道)

营业中

休息中

得知日本撈麵名店已經登陸香港，我食過日本拉麵，日本沾麵，但都係第一次食日式撈麵。餐廳喺灣仔，佢有日本師傅坐鎮， 務求保留原汁原味嘅Kokoro日式撈麵正宗全料東京撈麵 $99呢碗好多料，有肉燥、香蔥、紫菜、滷肉、生蛋黃、筍、蒜粒等等，香氣撲鼻😌，肉燥辣辣地好惹味；滷肉肥瘦適中，嫩滑香口。下面有粗身太麵，入口煙韌有口感，加上生蛋黃，食落特別香滑。鹽味撈麵 $79無咗肉燥，但有大量嘅蔥、竹筍、滷肉、蒜粒等，味道都好香另外餐廳仲有四步食法嘅建議，食用時把太麵和配料拌勻，享用三分一之後加入黑胡椒，三分二之後加特製香醋汁，味道層次分明。 最後，食完麵可加飯變成肉燥飯，真係好特別。