鮮味蒸滾鍋

营业中

休息中

近期在IG 一直見到有人介紹呢間海鮮蒸火煱，又話不限時任食，所以就去幫趁下睇下佢咩料子！我地book左7:00，加埋傾下偈都成10:00先離開（聽阿姐講係一定要book位呀，如果你walk in入黎食，就要限時俾番個位其他有book 位既客，有book位既就確實係不限時）而家香港真係小有！蒸海鮮火煱係一個套餐黎既，一定每人有龍蝦半隻，之後揀4款海鮮，再揀要既肉，之後就會係食火煱任食，配料會係出面拎，有野飲雪糕任食，下面就係我地食既次序，侍應們都好好，全程幫我地蒸，同埋分菜俾我地。1）飲一個燉湯先2）飲燉湯時已蒸定一個蒸籠，裡面有沙白，蝴蝶蚌，都唔馬虎3）食龍蝦4）順序食我地揀既4款海鮮5）一粒蒸豬肉丸和一粒蒸蝦丸6）蒸一碟蟲草花滑雞7）紅棗糕8）精華就係係最底，所有海鮮既湯都係下面既南瓜排骨粥度其實食完上面個set都飽得7788，之後就會開始打邊爐喇，事先你已揀左要咩肉，會上埋俾你，你就可以食呢幾碟肉，和無限配菜！