Deep Sea Oyster & Steak

营业中

休息中

尖沙咀山林道多餐廳又多選擇，朋友介紹咗一間食生蠔話左無得輸，今晚我就帶老婆去去試下。入到餐廳，有點像酒吧的氣氛，食物除咗生蠔之外，多以日式料理為主👍🏻，先來杯石榴梳打濕濕口先，生蠔揀左日本赤穗水試下先，雖然細細隻，但好厚肉好肥美😆，再揀左愛爾蘭果款試試，嘩！好甜👏🏻，好新鮮！老婆愛不釋手，所以唔洗講，再encore🤣。再來三文魚腩刺身，新鮮腩肥美👍🏻。脆炸芝麻雞翼香口脆卜卜。燒牛舌心，厚切得黎食落有質感🤟🏻。再來蒜香安格斯牛薄燒，包住香蔥食，牛味重加上香蔥香口😋。最後來個深海海鮮拉麵結尾，滿載而歸😊。回家途中，老婆已經問我幾時再來食生蠔🤣🤣。