影片
更多
2018-03-06
185 浏览
今日帶咗朋友嚟一間我自己一直都好鍾意嘅日本餐廳食生日午餐，就係佐敦嘅七福神喇。知道呢度成日都好快滿座，所以今日都特別早左少少嚟。首先要咗個八品刺身盛當生日蛋糕，非常之豐富，入面有八款魚生包括三文魚，吞拿魚，油甘魚，海膽，八爪魚，北寄貝，帶子同蝦各三片，每樣都非常之新鮮，朋友話仲開心過食普通嘅蛋糕添！我哋仲要左三隻芝士焗蠔做小食，芝士味非常之濃，而且蠔本身都好大隻，焗完都冇縮水，仲係脹卜卜。主菜方面，我自己要左個午市套餐入面嘅極上魚生丼。套餐包一個面豉湯，小食同埋飲品。小食方面店員話每一日都會唔同，而今次我哋就揀左芝士雞球，流心芝士真係好正！而魚生飯都好足料，以午市嘅套餐來講呢度嘅魚生份量真係比得好多，而且都非常新鮮。朋友就要左一個石鍋燒香辣大蝦海鮮手打烏冬。呢個真係有驚喜，烏冬因為手打嘅關係非常之煙un，放喺石鍋入邊保持住熱力都冇淋過。而且湯底辣辣地好暖胃，而海鮮方面一樣係份量咁足，有一隻大蝦，帶子同青口，真係好唔錯！叫咗咁多野埋單都係＄600唔洗，真係性價比好高既一間好餐廳，每次嚟食都大滿足！
首先要咗個八品刺身盛當生日蛋糕，
非常之豐富，入面有八款魚生包括三文魚，吞拿魚，油甘魚，海膽，八爪魚，北寄貝，帶子同蝦各三片，每樣都非常之新鮮，朋友話仲開心過食普通嘅蛋糕添！
我哋仲要左三隻芝士焗蠔做小食，
芝士味非常之濃，而且蠔本身都好大隻，焗完都冇縮水，仲係脹卜卜。
主菜方面，我自己要左個午市套餐入面嘅極上魚生丼。
套餐包一個面豉湯，小食同埋飲品。小食方面店員話每一日都會唔同，而今次我哋就揀左芝士雞球，流心芝士真係好正！
而魚生飯都好足料，以午市嘅套餐來講呢度嘅魚生份量真係比得好多，而且都非常新鮮。
朋友就要左一個石鍋燒香辣大蝦海鮮手打烏冬。
呢個真係有驚喜，烏冬因為手打嘅關係非常之煙un，放喺石鍋入邊保持住熱力都冇淋過。而且湯底辣辣地好暖胃，而海鮮方面一樣係份量咁足，有一隻大蝦，帶子同青口，真係好唔錯！
叫咗咁多野埋單都係＄600唔洗，真係性價比好高既一間好餐廳，每次嚟食都大滿足！
张贴
