倫住蒸倫哥私房菜 (已結業)

倫哥既雞煲同邊爐次前都食過吾錯，知道佢開左間新既蒸氣鍋餐廳，價錢又吾貴，約左朋友一齊去試。佢每人$238加一，個SET已經安排好哂有D咩食，只要簡想點蒸。佢每樣海鮮都有得比你簡吾同蒸法，共有九款再燉湯同甜品。燉湯係猴頭菇雞湯，夠火候，又有料比你食番。一黎先上花膠扣鮑魚，花膠同鮑魚都炆得十分入味，正！象拔蚌、生蠔仔都選擇了清蒸，十分新鮮保留番佢個甜味。蝦蒜蓉開邊蒸，每人都有3隻蝦。波士頓龍蝦以艇家XO醬，完全吊起隻龍蝦既鮮味。龍躉腩用XO醬蒸，肉質厚實，豆腐仲用左黑松露擺埋一齊蒸、惹味。肉蟹都係清蒸，入面都有膏，吾錯吾錯。鮮魷蒸腸粉，沙嗲醬入面有花生粒，好夠味。最後蒸十足十二串足料蒸飯，入面有腩片、排骨、臘腸，正！最後仲有黑糖冰涼粉，好冰涼。