倫住蒸倫哥私房菜 (已結業)

今日經過太子做野，順便約朋友去食雞煲火鍋，我朋友就推介咁呢間冇限時任食雞煲火鍋比我首先上雞煲，我叫咗中辣，好野味，d醬汁入晒d雞肉裏面，d雞好滑d都唔鞋，不過中辣都唔係好辣，原來雞煲可以refill,我地食咗3個雞煲，因為太好食手切肥牛，呢碟係一次性，冇得refill,d牛肉好新鮮，好重牛肉味，一d都唔韌，肥瘦適中，好好食再黎個海鮮拼盤，有龍蝦，帶子，龍躉魚片，仲有幾款貝殼類嘅海鮮，非常新鮮一d都唔腥之後仲可以叫d丸類，菜類都係可以無限refill,整體上都好抵食，仲可以坐成晚…查看更多

之前食過倫哥火煱私房菜, 再試下倫哥蒸鍋. 今次真係跌晒眼鏡. 對倫哥失去信心. 真心接受唔到. 蒸海鮮數埋係四款. 沒有龍蝦, 沒有龍躉腩, 沒有鮮魷 這次四款海鮮也不是出色的. 想來開餐既朋友, 要三思, 三思, 再三思. 新餐牌$248價錢再加一, 酒水另計, 只收現金. 我地上兩樓座位, 待應為我地介紹海鮮可以選擇唔同配料蒸，有薑葱, 蒜蓉, 面豉, 豉汁, 蟲草花, 海鹽蒸等等等. 揀好, 好快就有一人一盅燉湯和花膠扣鮑魚食. 接著一蒸接一蒸, 到最後蒸飯. 甜品. 兩個半鐘左右完成. 1) 燉湯 ok2) 花膠扣鮑魚室溫, 熱食更好. 花膠爽口, 鮑魚好食. 3) 海鮮1 – 薑葱蒸蠔蠔蒸得剛剛好. 是晚最好的海鮮薑葱少得可憐, 完全無薑葱味道4) 海鮮2 – 蟲草花蒸聖子蟲草花粉絲蒸聖子配白蘿蔔近乎清蒸聖子不過不失. 唔算鮮甜5) 海鮮 3 – 蒜蓉蒸海蝦海蝦配上脆肉瓜海蝦細隻, 沒有蒜蓉香味6) 芋頭蒸臘肉芋頭有兩三舊爽的古怪, 不出色7) 海鮮4 - 烏冬底蒸蟹蟹細隻, 尚算新鮮揀左海鹽蒸，同清蒸無分別烏冬底尚可8) 一大碟蟲草花蒸雞雞偏肥, 沒有蟲草花味, 清蒸，份量多, 味道麻麻食唔晒, 浪費9) 大大碟八寶蒸飯飯同餸, 味道不配10) 蒸雜菜無味道. 清蒸南瓜, 棷菜花平平無奇，無影相11) 黑糖冰涼粉幾好食. 透明晶型涼粉, 有黑色涼粉味道. 總結一定唔會再來二樓待應不足, 有五枱客. 只有一個人, 落單, 蒸海鮮. 元氣蒸鍋, 味道完全唔吸引. 元氣, 起碼蔬菜可以食到新鮮味道. 海鮮量少, 蒸雞蒸飯就大大碟. 無奈!睇返其他食評, 12月都係有七款海鮮的……..2月頭就變左四款. 無左一半.…查看更多

太子分店食蒸海鮮，乜嘢都無，無龍蝦，無鮑魚，無魷魚。海鮮只得四樣同簡介Menu完全不同，份量又少。目的來食蒸海鮮比芋頭臘肉 客人？！ 咁樣嘅價錢質素有乜嘢理由收$248 加一原本對呢個集團嘅好印象全部冇晒 , 永遠不會再來…查看更多

去到先發現改左menu, 冇左龍蝦，龍躉，鮮魷腸粉，變左蒸雞同芋頭臘肉，有點失望，但價錢冇變。而其他海鮮都普普通通，沒有太大驚喜。唯獨野飲抵，汽水買一送一，10蚊兩罐。…查看更多

前日老闆請食收爐飯,ㄧ班人預早book好位滿懷歡喜入去食,點知完全失望😢當日海鮮有蟶子、肉蟹、蝦、蜆仔等。。。進食前店員介紹當日時令海鮮是蟶子皇,但當真正時實物時size卻差不多只比ㄧ隻食指大ㄧ些、之後到清蒸蟹,可惜蟹太瘦,蟹殻完全冇膏、蝦用蒜蓉清蒸,味道還可以,但也不是太有肉。。。所有菜色唯有鮑魚比較好味ㄧ點,而且當日店員態度非常燥,令我地發現所點的食物口味出錯及店內冷氣太大也不敢告之🙈🙈不過怎様也好,真係永遠不會再有下次😣😣😣…查看更多

最近成個星期飯局停不了，今天原先是想吃倫哥私房菜，點知之前 book 位時先知太子店已轉為蒸氣海鮮，而且抄鍋心八鮮，不過都照食，點知去到有個驚喜！八點前離坐竟然有七折！勁抵！！超抵！！！唔駛二百蚊食到咁新鮮嘅海鮮 😱😱😱 絕對值得食…查看更多

11月經團購來過, 覺得抵食又味, 諗住1月無團購優惠都要食. 點知來到先知餐牌大幅更改明明打正旗號做蒜海鮮, 居然大幅刪減, 由7款海鮮變得番4款, 重要變成芋頭納肉同蟲草花蒸雞, 伙記仲話係因應食客覺得食海鮮唔夠飽, 從善如流俾肉大家食, 同埋季節性會改食材, 冬天就俾呢D!要改係咪應該改海鮮款? 最後鮑魚、龍蠆同腸粉都冇左!!!我們最後都唔係好飽咁走，如果話佢減價做呢個餐都算，仲要係照收$248加一, 對倫哥真心失望!…查看更多

抵食～倫住蒸食過超抵食既倫哥　又黎試下佢既超抵食之選倫住蒸 200蚊左右就出街食到蒸海鮮係太子地鐵站出 成條內街原來都有好多餐廳平時都好少行入黎呢到去到倫住蒸門口 以為佢甘少座位原來佢仲有樓上既我地就比人安排左坐樓上啦一坐低望下個個都係食得好知味wo黎啦 好快waiter 就過黎幫我地整野同準備野食食完一款海鮮就拎一份出黎Firstly 有個龍蝦呢個清蒸魚 wt 豆腐D魚甘樣蒸好滑好好食呀有蟹仲有蝦中間仲有菜類不過蘑菇得一粒🤔呢個蒸腸粉 又滑又香 味道夠濃唔錯最後仲有個荷葉蒸飯飯 本身倫哥精神 份量大我地得2個人 根本食唔晒我覺得有d浪費仲有個清清地既甜品…查看更多

朋友試過倫哥雞煲任食大讚抵食，見太子新開蒸氣火鍋，就黎試下抵唔抵食😀一到埗職員就俾餐牌俾我地揀煮法。佢主要都係推介清蒸或煮蒜蓉蒸，咁先食到海鮮嘅鮮味嘛。揀完之後無耐就有燉湯同鮑魚同花膠湯好足料，無味精。鮑魚細隻，但味道不錯。蝦好鮮甜。扇貝同粉絲好夾。蠔好大隻，第一次食呢個煮法，幾特別。龍蝦好大隻，肉質好彈牙蟹係我咁多海鮮至愛，呢到啲蟹好大隻，好多蟹go。忍唔住加錢追加多份，不過就無咁靚，無蟹go同細隻啲。最後會蒸個八寶飯，好足料，好好味。啲臘味好香。本身食海鮮唔係好飽肚，食埋個飯就啱啱好喇😬最最後就有個甜品，黑糖白涼粉。第一次見白涼粉，食落好似仙草咁，同黑糖好夾，唔會太甜，又唔會太飽。總括，呢到無得任食就應該無雞保咁抵食，但就真係食到飽咁走，同埋啲海鮮都好新鮮，所以呢到都抵食咖。另外呢到啲位好闊落，坐得好舒服。員工服務態度不錯。…查看更多

倫哥最近推出海鮮蒸鍋，今日我哋就去試一試。因為未人齊,但又好肚餓， 所以拿拿聲叫碟豬腳仔食下， 味道好夠， 但唔夠冧( 豬手係任食嘅)第一個係蒸海蝦， 份量太少每人兩隻都唔夠。開邊蒜蓉蒸龍蝦仔，用了烏冬墊底，鮮蝦味滲入烏冬中，非常好味美中不足就係其中有兩邊不夠新鮮。蒜蓉蒸蟶子， 新鮮好鮮甜， 還有節瓜做拌菜。雜錦臘味蒸飯，味道一般， 配料量不夠，芋頭臘鴨，原本是蒸魚，但改了沒有預早通知我們，臘鴨有啲鹹，芋頭ok.蟲草花蒸雞， 雞肉好滑， 雞肉大有蟲草花香味， 味道不錯。…查看更多

如果得閒，記得早啲食，8點前交枱仲有折👍👍湯好飲呀！！蠔味出色👍👍蝦就唔夠鮮甜，食海鮮唔夠鮮唔夠甜真係當場扁咗咀☹️☹️蔬菜🥬份量略嫌少🥴海鮮咁多肉，俾多兩條菜感覺會健康啲～～呢個啖啖肉正呀😬😬仲要係夠鮮甜，即刻開心返🥳足料糯米飯🤗🤗唔洗驚之前啲海鮮食完唔夠飽啦😌講真又多得有兜飯我先夠飽囉🤭🤭總體而言，都唔錯嘅😊人少少都可以食多款海鮮餐😍方便之選🤨要預先book位，睇住啲walk in 客要等，同埋要上多層樓梯坐上面😯😅…查看更多

唔係好明白點解淨係得好評。正常人食過一次根本唔會再食！我同幾位朋友一路食一路小！全部海鮮份量得一塊仔，加幾條荷蘭豆、幾舊紫薯、椰菜花想點？食完都好似無食過野咁！最後比個荷葉飯比你塞飽個肚，仲要係難食到我地都唔想食！仲有個腸粉都完全9唔搭8！仲要加埋一每人$280，食垃圾！一定無下次！個前菜鮑魚仔同花膠勁細隻！仲要凍既！賺死佢！完全唔值呢個價錢！食物令人失望！之前食過倫哥雞煲打邊爐係好食既，估唔到呢間咁垃圾！…查看更多

天氣凍就想食火鍋暖身，但又唔想咁熱氣，聽朋友講近排倫哥開左間食蒸氣海鮮鍋，今晚就黎試下..餐廳有兩層，基本上都冇乜嘢需要去點，所有海鮮都已經包括在菜單上，只需要選擇醬汁調味就可以先來每人一盅燉湯，無味精，十分足料的雞湯，有猴頭菇、豬骨、雞腳等餐前小食是鮑魚和花膠，兩樣都炆得好入味，比去婚宴上食到的有過之而無不及第一道蒸海鮮是蒜蓉粉絲蒸蟶子，好大隻的蟶子，非常鮮甜加上蒜蓉粉絲是冇得輸的組合！喜馬拉雅山礦物鹽蒸生蠔，用少量鹽去配搭蠔的鮮味是不錯的做法。喜馬拉雅山礦物鹽蒸蝦彈牙，本來想用蒜蓉蒸，但係又覺得太過普通。於是乎就用鹽去做，效果也不錯什錦蔬菜，南瓜椰菜花蕃薯菇共冶一爐，已一個全海鮮宴來說，這一道菜就可以清一清喉嚨去迎接下半場蒜蓉蒸龍蝦，又是一個經典的組合，龍蝦肉爽口彈牙，加埋蒜蓉食好惹味龍躉腩肉質爽脆鮮甜，食一舊唔係好夠候薑蔥蒸蟹，頗多膏，蟹肉細嫰。鮮魷腸粉是今晚其中一個亮點重點不在於鮮魷而是腸粉，甜醬及麻醬混合後搽上腸粉再蒸，原來係出奇地好味最尾再來十足十二串足料蒸飯，有雞肉、臘腸、蝦乾、粟米粒、翠肉瓜、南瓜、蝦腩片、芋頭、萵筍和蒜蓉排骨。但我地好飽了吃不下，唯有打包好了。非常健康又滿足的蒸氣火鍋…查看更多

朋友話呢間蒸氣海鮮鍋幾得，幾抵食既，本來我都唔信，同本身對蒸氣海鮮鍋無太大好感，因為好似都唔係好抵食，但今晚食完，就真係完全改曬呢個觀念了呢度就只係主打一個海鮮套餐，分2個時段，每位 $238，入面既內容全部一致，份量就會因應人數而作安排的客人都有得揀架！就係每道海鮮既味道同煮法，係呢張過膠 order 紙上面揀好畫好就ok啦！都幾欣賞呢個禁既落order方法，因為夠晒環保！食好嘢，梗係要啤啤佢，呢度竟然有杯裝1664重要係Blanc添，真係爽！除咗嗰d海鮮主菜，一開始原來仲有一個燉湯同埋前菜小食，呢個錢財組合已經不得了，例如小食，就係鮑汁炆鮑魚及花膠！味道濃厚，我鮑魚爽口彈牙，花膠炆到勁有口感，好有驚喜燉湯係自家製，飲落冇味精，非常清甜，入面嘅配料亦非常多，當中包括蟲草及瘦肉等等，非常足料第一個海鮮我地就揀左聖子，用咗蒜蓉蒸嘅做法，大量粉絲蒜蓉鋪喺聖子上面，聖子大大隻，肉感非常豐富，高溫蒸完出嚟非常有口感，爽口彈牙，仲配有兩件好鮮甜嘅蘿蔔添第二個海鮮係蝦，我哋揀咗清蒸，清蒸呢個做法就非常能夠食到蝦嘅鮮味，蝦大大隻，非常新鮮嘅情況下，蝦殼同蝦肉分離得非常容易，肉質爽口彈牙，啜個蝦頭果陣d汁都好甜架！第三個海鮮係龍躉腩，我哋就揀咗薑蔥蒸，因為相對比較能夠釋出龍躉腩嘅味道，果然又香又滑，肉質勁鮮嫩，完全配合旁邊又白又滑嘅豆腐，龍躉腩係正嘅第四個海鮮有清蒸龍蝦！每人半邊開邊嘅大大隻龍蝦，可見顏色非常鮮艷，肉質雪白，食起上嚟非常有彈力，就算清蒸，完全唔落任何調味料，都非常鮮味 ; 龍蝦鉗亦非常易除殼，大大嚿龍蝦肉咁就有得食了 !今晚餐廳供應既係奄仔蟹，所以膏都相對比較多，而且味道好鮮甜 ; 雖然唔係好大隻，呢個亦係奄仔蟹既特徵，不過就真係成隻蟹都好夠新鮮，就算宜家只係清蒸，都食得好 ENJOY !除左蒸海鮮果D主角，其他野食都唔差架 ! 真心有質素 ! 重會食到你好飽添 ! 呢個就係其中一道，名叫十足十二串足料蒸飯，只睇個賣相都知正啦 ! 呢個份量重要講緊係 2 人份量黎，會唔會真係足料左D先 ! 上面既配料真係有齊 10 款野係度架，例如雞肉，蝦干，翠玉瓜及芋頭等等 ; 另外，通常呢一道菜都會用上糯米飯黎做既，不過呢度就只係蒸飯黎，但就做到有糯米飯既口感 ! 真係幾有驚喜 ! 另一個成個 SET 既賣點 / 特點就係，佢有供應埋甜品添架，雖然就只有呢款黑糖冰涼粉，但係佢係任食架，而且味道都唔差，係呢個咁飽滿既情況下，食呢D比較冇咁 HEAVY 既甜品真係非常舒服及適合，真係幾唔錯 ~…查看更多

一如倫哥私房菜，品質絕對係有保證。最鍾意食多高嘅蟹，呢個奄仔係實在冇得頂，不過感覺上有點細，可能因為我比較鍾情於蟹。當日飲品買一送一，所以飲得好暢快，而我呢個食嘢要飲好多嘢嘅人嚟講，實在係好開心。相對地比較遜色嘅會係蒸腸粉，實在食唔出有什麼特別。食完落樓平均人頭唔使300蚊，覺得非常之抵。最後個八寶飯食唔曬，要攞走。如果好鍾意食海鮮我覺得二百幾蚊實在係超值。但對於我呢個比較鍾意打邊爐，火鍋，同埋食肥牛嘅人。下次我都係去返倫哥私房菜。…查看更多