蛇膠參滋補專門店

营业中

休息中

朋友介紹過蛇膠參滋補專門店的食品非常好，我今日路過新蒲崗，就順道過去位於新蒲崗仁愛街50號的蛇膠參滋補專門店用膳，環境舒適，坐得舒服。我點左個1人滋補套餐B $198（原價$229），有秘製太史五蛇羹（細），臘味糯米飯一客，花旗參墩海參，濃秘汁小米原隻乾鮑，時蔬一客。秘製太史五蛇羹非常足料，有蛇肉、黑木耳、香菇等，記得要加埋薄脆和薄荷葉一齊食，有滋補的功效，溫潤宜人。臘味糯米飯粒粒煙韌有咬口，臘味好味；花旗參墩海參賣相不錯，有原條海參，材料豐富，湯底清甜好飲；濃秘汁小米原隻乾鮑， 小米經過濃秘汁煮過，好好味呀！鮑魚好好食👍；菜心煮得青綠好鮮甜。