素年 (福隆大廈)

营业中

休息中

呢間不嬲都多人排隊，星期六晚早咗去Walk in，非常好彩地等咗一陣就入到。舖頭嘅座位唔算多，但裝修來講我覺得好簡潔有格調。同朋友分別叫咗一款日式定食同埋冬陰意大利粉，因為呢間係素食店，所以呢啲嘢食都冇肉類嘅出現，覺得幾得意嘅係款日式定食有一片素魚生，一開始冇為意以為係真嘅，點知食落去個口感係有少少蒟蒻嗰種彈牙，味道有啲酸甜，食落去好清新。個冬陰意大利粉都幾出色，冇諗過可以將兩者結合埋一齊，呢個fusion菜值得一試，因為冬陰功味好出，不過就略嫌啲飯硬咗少少，同埋佢哋嘅份量好多，兩個人都未必食得晒，所以佢哋都有喺Menu度講如果食得唔多可以提出少飯，包你食得飽啊！