牛太 (已結業)

好耐冇同朋友聚舊，又成班男人，個個都係食肉獸可以食咩？緊係食燒肉放題啦😎上網見到呢間叫牛太既放題價錢吾太貴，而且環境都幾靚，就一於揀佢啦！果然去到之後店內環境真係幾正，坐位舒適又唔會迫，岩曬我地成班壯男😆呢間燒肉有3種價錢揀都係任食100分鐘一坐低，發覺原來係用平板電腦落單，幾方便，又唔怕會漏單。落完單幾分鐘，野食就開始黎。第一樣黎既係牛脊肉，切得大小適中。燒完之後，上面既醬汁滲哂入去，相當好食。之後黎既係牛肋肉同牛仔骨。牛肋肉雖然唔係難食，但略感失望；牛仔骨就唔同，厚度岩岩好，味道仲同牛脊肉有得揮。烏冬口感唔錯，味道甚佳。石鍋飯味道不過不失。送黎既時候，蛋係半熟可以用黎拌飯。可能係主打牛肉，雞肉同豬肉方面對比牛肉的味道，略為遜色。小食方面叫左金菇，配上蒜蓉同牛油，燒完放入口既感覺非常邪惡。而且係用錫紙兜裝住，所以可以放心唔會燒乾。另外就係玉子，上面有糖霜，甜甜地好易入口。最後埋單前仲有送上一人一個movenpick既雪糕，而且有三種味道可以揀。呢間燒肉放題絕對可以俾1000粒星！一定會再黎過！落單快靚正！高品質燒肉！環境舒適！👍🏻食完呢餐真係好想飛轉日本🤩🤩