龍味館

营业中

休息中

餐廳環境開揚, 幾有空間感, 枱與枱之間有舒適距離。𓊈二人套餐 $𝟺𝟾𝟾𓊉𓆹 前菜三拼前菜有黑松露繡球菌, 老陳醋海蜇伴秋葵同酒香熟醉黑虎蝦, 黑松露繡球菌味道香濃好爽口, 海蜇酸味十足好開胃, 黑虎蝦帶濃濃酒味而且彈牙。𓆹 龍肉蝦餃龍肉蝦餃賣相精緻, 有金箔圍邊, 皮薄煙靭, 裡面嘅龍蝦肉厚身而且嫩滑彈牙。𓆹 酸辣湯酸辣湯有豆腐絲, 冬菇絲, 豬血絲等, 味道酸酸辣辣, 濃稠適中。𓆹 意大利黑醋骨黑醋骨外層包滿黑醋醬汁, 酸酸甜甜, 裡面炸過所以有少少香脆, 份量都幾多。𓆹 金銀蛋菜心菜心好新鮮, 唔會有苦味, 用金銀蛋炒過所以味道幾有層次。𓆹 鮑汁福鮮炒飯面層鋪滿醬汁, 有雞肉粒, 帶子粒, 蝦粒同香蔥等, 飯炒得粒粒分明。𓆹 鮮橙汁橙汁新鮮, 甜酸度適中。