影片
更多
2021-10-21
237 浏览
今日放假係尖沙咀行街，無意中發現到尖東呢間新開無耐既日本餐廳🇯🇵餐廳位於地庫，門口設計精緻優美。走進餐廳空間十分寬敞，並設有不同區域（壽司區/鐵板燒區/Omakase）同VIP房，完全適合不同聚餐人士！由於太耐無食壽司關係，所以今日揀左食壽司🍣午餐壽司定食$328/位（另加一服務費）包：沙律 - 芝麻醬萵荀豆腐萵荀及豆腐冷藏溫度啱啱好，好清新，芝麻醬只落咗適量，保持番食材嘅原味，豆腐軟滑而碰香味好重，難得地用筷子都可以夾倒而唔會散散！😉蒸蛋 - 海鮮蒸蛋🦀🥚有魚子醬及同大粒原片帶子，另有均勻嘅蟹肉絲，啖啖都有啲咬口，好過癮😬壽司十貫 - 師傅刀工都握壽司手法都好熟練，等上菜嘅時候令人眼前一亮🤩而擺盤精美😍似足藝術品咁！拖羅超肥美，入口即溶；深海池魚，鮮嫩肥美，脂厚油香，入口魚油甘香細膩；油甘魚，脂肪含量適中，口感清淡帶甜；金目鯛，肉質細緻，味道鮮美；石垣貝，味道清甜，口感爽脆；牡丹蝦，配以魚子醬，味道清甜，細綿帶爽既口感；帆立貝，味道鮮甜，肉質扎實爽脆；赤鮭，肉質細膩，油脂含量非常豐富，非常鮮美；秋力貝，入口甘香，肉質油潤；海膽，鮮甜美味，大滿足；烏冬（冷/溫）-溫烏冬湯底鮮味，麵質爽
餐廳位於地庫，門口設計精緻優美。
走進餐廳空間十分寬敞，並設有不同區域（壽司區/鐵板燒區/Omakase）同VIP房，完全適合不同聚餐人士！
由於太耐無食壽司關係，所以今日揀左食壽司🍣
午餐壽司定食$328/位（另加一服務費）包：
沙律 - 芝麻醬萵荀豆腐
萵荀及豆腐冷藏溫度啱啱好，好清新，芝麻醬只落咗適量，保持番食材嘅原味，豆腐軟滑而碰香味好重，難得地用筷子都可以夾倒而唔會散散！😉
蒸蛋 - 海鮮蒸蛋🦀🥚
有魚子醬及同大粒原片帶子，另有均勻嘅蟹肉絲，啖啖都有啲咬口，好過癮😬
壽司十貫 - 師傅刀工都握壽司手法都好熟練，等上菜嘅時候令人眼前一亮🤩而擺盤精美😍似足藝術品咁！
拖羅超肥美，入口即溶；
深海池魚，鮮嫩肥美，脂厚油香，入口魚油甘香細膩；
油甘魚，脂肪含量適中，口感清淡帶甜；
金目鯛，肉質細緻，味道鮮美；
石垣貝，味道清甜，口感爽脆；
牡丹蝦，配以魚子醬，味道清甜，細綿帶爽既口感；
帆立貝，味道鮮甜，肉質扎實爽脆；
赤鮭，肉質細膩，油脂含量非常豐富，非常鮮美；
秋力貝，入口甘香，肉質油潤；
海膽，鮮甜美味，大滿足；
烏冬（冷/溫）-
溫烏冬湯底鮮味，麵質爽滑彈牙😋
甜品/咖啡 - 甜品
芝麻雪糕，幼滑與香口既芝麻味😉
友人選擇午餐丼定食$308/位（另加一服務費）包沙律+蒸蛋+魚生丼+味噌湯+甜品
魚生丼 -
師傅建議加上豉油及芥末後，用食蛋糕嘅方法食，每啖都有滿滿嘅魚生，大細都好啱入口咀嚼。
材料有魚籽、蟹籽、魚子醬、海膽、牡丹蝦、帶子、吞拿魚腩、鯛魚、扇狀青瓜，壽司飯用上日本米秋田小町，加上醋香味同暖笠笠🥰
味噌湯：
唔會過咸既麵豉湯有埋日本本菇係入面，有咬感！
甜品 -綠茶雪糕
綠茶味同甜味平衡得幾好，啱啱好食到尾都只係少少溶，冷凍程度適宜👍🏻
最後不得不讚既係全間店既職員都態度好好，而且仲係埋單前會俾客人用ipad 寫上字句/畫畫可以係滿佈天燈既熒光幕投射出黎😚好似去左旅行既勝地咁！
黎緊慶祝節日或者想飲番杯呢間餐廳絕對係不二之選💁🏻♀️
张贴
