琥酌 (已結業)

放工同友人喺太子行街，經過呢一間日本餐廳門面吸引，就決定入去試下。前菜係薯蓉撈牛肉粒，食落軟腍腍之中又有嚼口。吉列牛已經係好多日本餐廳嘅常見菜式，有幾種唔同食法，個人喜歡點wasabi。燒茄子好清新，加咗好多木魚絲作點綴。豚肉泡菜相樸鍋好有份量，豚肉厚切大大塊，蔬菜有菜心、紅蘿蔔、冬菇等，食物分量比例啱啱好，感覺夠曬健康。以餐廳命名嘅琥酌丼係黑松露牛肉碎飯，創意滿分感覺似係日式高級嘅鹵肉飯，味道好特別。