Burger Joys (士丹利街) (已結業)

呢幾日新年雖然係食得好放縱，但係因為餐餐都係食中菜菜式，突然間又好想食吓西餐，所以今日就嚟咗位於中環嘅Burger Joys食漢堡包。🥰呢間店就係士丹利街嘅大排檔格離，所以一啲都唔難搵！店入面所有坐位都係高櫈，大多數櫈都係向全大玻璃可以一路食一路望住出面☺️好休閒酒吧咁嘅風格！咁呢日我哋就叫咗雙層芝士漢堡，黑松露薯條同水牛城雞翼做牛餐。雙層芝士漢堡包個包做得唔錯，食得出果兩塊包有預先同牛油煎一煎。 個牛漢堡做得幾juicy，好夾果啲熱溶芝士同埋味道類似千島醬嘅醬汁。呢個水牛城雞翼令我對水牛城嘅辣醬汁改觀，因為我之前食過嘅果隻水牛城雞翼係辣到噴火嘅😫。但係反而呢個就恰到好處，同埋啲雞翼仲要係輕輕煎過🥰。個黑松露薯條嘅黑松露都俾得比較多，同埋佢配嘅果個白色mayo同薯條都幾夾！我仲拎咗嚟點水牛城雞翼啊！嘻嘻！