素年 (福隆大廈)

营业中

休息中

深水埗有兩間素年，要留意兩間嘅餐牌都有啲唔同，而風格就一樣文青路線，但相比之下另一間分店大啲寬落啲坐得舒服啲。假日一點左右去到排隊，大約等半個鐘多少少就入得。今次兩人兩個Lunch Set，飽到食唔哂☺，平均每人一百蚊左右。豆腐竹碳漢堡包 $98好特別，中間係一大舊炸豆腐，外酥脆內濕潤，當中配上醃漬蘿蔔，再加上燒汁，好惹味，不過包底汁濕。甜蕃薯薯條甜甜地真係好好味，唔洗茄汁已經好夠味。日式咖喱吉列豬扒意大利飯 $109分量相當多，成個飯好濃咖喱味，而植物肉味道唔會好怪，同真吉烈豬扒差唔多，表面脆脆地，不過質感就偏淋。