影片
更多
2025-05-18
222 浏览
響樓下已經有接待員接待，搭佢嘅專屬𨋢上嚟二樓就入座啦！每枱得六至八個位置，可近距離觀賞烹製過程～我哋點咗秋田套餐！新鮮沙律：有海草、生菜、鮮甜車厘茄～配日式麻醬，醒胃又醒神！飲品：柚子shochu，血橙sparkling juice，兩杯都係酸酸甜甜，開胃又解膩！前菜：魚籽鵝肝蒸蛋，嫩滑嘅蛋香～鵝肝香煎惹味，魚籽卜卜脆，口感豐富！！鮮活時令龍蝦：用咗印尼直送青龍，先用龍蝦頭嘅羔同蒜蓉炒香，再落牛油香煎龍蝦肉～肉質爽口彈牙～隻龍蝦真係好生猛㗎！！師傅仲要放火燒個頭～話陣間用嚟滾～咁啖湯又真係堅甜嘅…原隻鮮活鮑魚：師傅一放啲鮑魚落鐵板，就睇到佢扭動身體～🫣🫣好彩好快就冚住～火喉控制啱啱好！👍🏻鮑魚一過火會好靱，但係佢非常鮮嫩，再配上忌廉海苔醬，用海藻墊底～別有一番風味！煎銀鱈魚：好嫩滑～煎到塊皮脆卜卜，醬汁甜甜地，好啱口味！香煎鵝肝：極品頂級鵝肝，油份豐富，外脆內嫩～鋪喺牛油多士上面，加上黑魚籽同矜貴金箔，格調頓時提升不少！老細唔食鵝肝，佢仲專登換咗個螺片畀佢～炒蒜心都幾惹味！鹿兒島霜降和牛兩吃：一個係薄燒卷，裏面加咗脆蒜片同葱粒，口感好豐富；另一個係厚切，medium～呢個不得了！入口即
響樓下已經有接待員接待，搭佢嘅專屬𨋢上嚟二樓就入座啦！每枱得六至八個位置，可近距離觀賞烹製過程～我哋點咗秋田套餐！
新鮮沙律：有海草、生菜、鮮甜車厘茄～配日式麻醬，醒胃又醒神！
飲品：柚子shochu，血橙sparkling juice，兩杯都係酸酸甜甜，開胃又解膩！
前菜：魚籽鵝肝蒸蛋，嫩滑嘅蛋香～鵝肝香煎惹味，魚籽卜卜脆，口感豐富！！
鮮活時令龍蝦：用咗印尼直送青龍，先用龍蝦頭嘅羔同蒜蓉炒香，再落牛油香煎龍蝦肉～肉質爽口彈牙～隻龍蝦真係好生猛㗎！！師傅仲要放火燒個頭～話陣間用嚟滾～咁啖湯又真係堅甜嘅…
原隻鮮活鮑魚：師傅一放啲鮑魚落鐵板，就睇到佢扭動身體～🫣🫣好彩好快就冚住～火喉控制啱啱好！👍🏻鮑魚一過火會好靱，但係佢非常鮮嫩，再配上忌廉海苔醬，用海藻墊底～別有一番風味！
煎銀鱈魚：好嫩滑～煎到塊皮脆卜卜，醬汁甜甜地，好啱口味！
香煎鵝肝：極品頂級鵝肝，油份豐富，外脆內嫩～鋪喺牛油多士上面，加上黑魚籽同矜貴金箔，格調頓時提升不少！
老細唔食鵝肝，佢仲專登換咗個螺片畀佢～炒蒜心都幾惹味！
鹿兒島霜降和牛兩吃：一個係薄燒卷，裏面加咗脆蒜片同葱粒，口感好豐富；另一個係厚切，medium～呢個不得了！入口即溶！
櫻花蝦煙肉粒炒飯：用咗珍珠米、煙肉同日本蛋，炒到粒粒分明，正宗嘅「金鑛銀」！
仲有炒野菜同甜品～話時話，我都係第一次食現場即製嘅銅鑼燒，睇住師傅由攪麵漿、煎pancake餅、落紅豆……再放到你面前，配上一啖雪糕～真係完美嘅句號！！
呢度樓高三層，座位都好多，我覺得呢度嘅性價比超高（雖然夾埋加一都差不多成差嘢一個人……🫣🫣），因為我不嬲覺得食鐵板燒係一種享受，一邊睇住師傅烹調，就好似睇一場表演咁～期待住每一度餸菜端到你面前，再加上佢哋嘅畫功了得，生日有手繪畫加持，真係氣氛爆棚！生日真係要同老細再嚟過！
张贴
