影片
更多
2017-06-21
229 浏览
常常在新蒲崗打滾的我也留意不到呢度有間玫瑰餐廳，聽一個住喺呢頭附近的朋友講，來過打邊爐，嘢食係唔錯的，今晚大家屋企到冇飯開，於是擇日不如撞日就一齊食飯。見到菜牌有一個＄198嘅龍蝦拼盤，見到龍蝦呢個字眼就馬上雙眼發光嘅我，當然係立刻指定要點呢個餐，大家對於呢個價錢同份量之間嘅關係都好有懷疑，但係上菜之後見到個龍蝦拼盤堆砌得好靚仔，而且好多海鮮，睇落去都好豐富，又有蝦，又有蟹、蜆，仲有鮑魚！夫復何求？老公都好比面收工馬上前來陪我地兩個食飯，佢來咗之後我哋仲叫咗手切肥牛，粉絲、金菇......本來仲想試吓呢度嘅不見天，但係太好賣已經無了。店員放低湯底之後提醒我哋可以先飲湯，等上菜之後再烚配料，個湯真係一試難忘，好好飲，入口充滿龍蝦嘅鮮味，而且比想像中濃郁！龍蝦已經幫你開咗邊，雖然呢隻龍蝦唔係平時嗰啲大大隻啖啖肉的龍蝦，但係用＄200包一隻小龍蝦，有幾啖龍蝦肉食下都真係算係抵玩！風度翩翩嘅老公讓我地兩個女人一人一隻鮑魚，用湯底煮左一陣，鮑魚入口之後更加鮮，而且幾好𡁻口。食得出幾隻蝦都好新鮮，因為啲肉質係好firm好大彈牙，又有鮮蝦味。本來在外面打邊爐嘅配料之中對雞件係有所防備嘅，因為一係就好
常常在新蒲崗打滾的我也留意不到呢度有間玫瑰餐廳，聽一個住喺呢頭附近的朋友講，來過打邊爐，嘢食係唔錯的，今晚大家屋企到冇飯開，於是擇日不如撞日就一齊食飯。
見到菜牌有一個＄198嘅龍蝦拼盤，見到龍蝦呢個字眼就馬上雙眼發光嘅我，當然係立刻指定要點呢個餐，大家對於呢個價錢同份量之間嘅關係都好有懷疑，但係上菜之後見到個龍蝦拼盤堆砌得好靚仔，而且好多海鮮，睇落去都好豐富，又有蝦，又有蟹、蜆，仲有鮑魚！夫復何求？
老公都好比面收工馬上前來陪我地兩個食飯，佢來咗之後我哋仲叫咗手切肥牛，粉絲、金菇......本來仲想試吓呢度嘅不見天，但係太好賣已經無了。
店員放低湯底之後提醒我哋可以先飲湯，等上菜之後再烚配料，個湯真係一試難忘，好好飲，入口充滿龍蝦嘅鮮味，而且比想像中濃郁！
龍蝦已經幫你開咗邊，雖然呢隻龍蝦唔係平時嗰啲大大隻啖啖肉的龍蝦，但係用＄200包一隻小龍蝦，有幾啖龍蝦肉食下都真係算係抵玩！
風度翩翩嘅老公讓我地兩個女人一人一隻鮑魚，用湯底煮左一陣，鮑魚入口之後更加鮮，而且幾好𡁻口。
食得出幾隻蝦都好新鮮，因為啲肉質係好firm好大彈牙，又有鮮蝦味。
本來在外面打邊爐嘅配料之中對雞件係有所防備嘅，因為一係就好新鮮，一係就好梅，而後者係比較常發生，但係朋友之前去食個醉雞鍋，話啲雞好正，所以佢點名要叫雞件，試咗之後真係冇失望，一碟雞件好似有七八件 ,而且幾厚肉，肉質夠彈牙，好鮮雞味，仲要只係$45，值得一讚。
本地手切肥牛，睇相都知道超正，手切本地肥牛本來就係一個冇得輸嘅火鍋配料項目，食晒成碟之後覺得唔夠喉，好後悔無叫大碟！下次來一定要叫大碟！
不得不試呢度嘅韭菜餃！係佢哋自己包的。用左勁多韭菜包成，咬落去十分之香，啲韭菜多到傾巢而出，配合鮮肉肥美嘅肉汁，仲有鮮美嘅龍蝦湯底，人間極品！
最後真係要讚一讚佢個超大碟粉絲，只不過係＄10 ，唔好講笑，真係抵過喺出面自己買一包來食（仲要唔使浸），佢啲粉絲係多到我哋一人食咗一碗仔之後，我話「幾抵食喎，＄10咋！ 」我朋友先話我知我哋只不過係食咗3分之一左右！打緊邊爐之時聞到附近幾枱有嘢食上菜都傳來陣陣香味，下次過來可能要試吓呢度嘅小菜。總體來講，侍應都係叔叔們，但係都幾殷勤細心，二啲嘢食又真係好抵，我哋三個人都係total食咗四百幾，好飽。
张贴
