金所 (已結業)

店面裝修神秘，黑實的外牆望唔到裏面嘅情況 ，等了大半個鐘，終於可以一嘗人生中從未試過嘅白布烏冬。 內心充滿期望，最後揀咗個打左星號嘅雞肉沾麵和山藥冷盤。食物外觀一流，白布烏冬份量唔算少，先試雞肉湯，湯甜度較高， 像壽喜燒的味道， 然後 由於揸筷字嘅功力唔夠同白布size較大，需要花盡九牛二虎之力先可以夾穩白布烏冬， 質地似比較厚身嘅雲吞皮，但比較滑潤， 味道跟普通烏冬差唔多。 山藥亦都感覺新鮮，配上wasabi同枱頭嘅七味粉，再用白布夾住食都幾好味。 整體感覺唔錯，服務都好，不時有加茶， 服務員態度親切 ，不過都係鍾意食 一條條嘅烏冬多啲， 咬口會更加豐富， 不過未試過嘅都可以不妨一試， 一塊大大嘅百布可以自由發揮左切右切， 再自由配搭不同嘅配料， 滿足又食又揮灑創意嘅慾望。