42
15
5
港铁奥运站 B 出口, 步行约6分钟 继续阅读
电话号码
36898807
付款方式
现金
食记 (73)
等级4 2020-08-30
1569 浏览
成半年都冇得飞.... 唯有黎呢度吊下日本旅行瘾啦.刚开幕时想试, 但见到劲长龙又限聚令, 拖到依家先试到..MENU 唔系太多选择, 因应疫情有信封提供放口罩用... 个信封重好鬼靓.呢个 鸭肉热汤白布乌冬. $75. 鸭肉有先烧/煎香过先放入汤, 所以个汤系另外处理唔会有鸭味...汤底系鲣鱼汤黎... 如果用返鸭入汤应该会开心D..汤入面有大葱, 茄子等.鸭肉好似有3,4块, 一阵风就食完... 所以我地每人追加多个天妇罗.呢个系冷汁山药白布乌冬. $76.呢个系朋友点既, 哈. 难得系香港可以点山药, 不过咁样就DRY 左D... 因为无肉, 硬系唔知点咁...同埋冷汁个杯仔..我地应该成片塞入个杯仔? 定系将D 冷汁淋上片乌冬度呢?!系有D 唔知点处理..哈哈哈哈.讲返追加既天妇罗, 因为山药个个太DRY, 所以嗌呢个..不过呢.....UMMM 系好油既.. 唔得咯呀..唔掂.!!!! 呢碟野既质素唔应该出现系主打日本野既餐厅度.....>< 继续阅读
(以上食记乃用户个人意见 , 并不代表OpenRice之观点。)
🤩早排听闻大角咀开左新野,系香港第一次见嘅白布乌冬,终於有时间黎试下啦🤣 (睇文末提示:前排开左独立白布乌冬专门店,分开2间经营)😔不过近排疫情严重,大家都系mark定迟下食啦😣店内大概有十个座位,不过由於系食乌冬每轮速度都好快,排队时间都唔会太耐,bar台位置可以直接见到师傅点整乌冬,都几唔错架😁😁白布乌冬有冷汁系、热汤系同热汤沾面系可以选择,今次我地就拣左冷汁天妇罗白布乌冬同鸡肉热汤白布乌冬🤤首先黎嘅系鸡肉热汤白布乌冬,汤底系好浓郁嘅鲣鱼汤,一黎到鲣鱼味已经好出,鸡肉系烧制过外皮有少少脆身,鸡肉都够鲜嫩🤤。而乌冬都好足料,白布一片都有手掌大小有足足十片,不过喺汤入面由於成片太大,真系有少少难夹,真喺少d筷子功都唔得😂 (一个唔觉意某人弹到成身都喺汤汁😂😂🙊)面身好滑,不过同一般乌冬相比,因为形状嘅关系会无咁弹牙,不过口感都几特别值得一试😋😋相比起热汤,泠汁白布乌冬更有惊喜,因为面身系冻嘅关系,口感更加弹牙,加埋泠面汁就算无配料都好好食🤩👍🏻👍🏻而天妇罗都相当唔错,炸皮够哂薄,有齐炸南瓜、茄子、海老、菇、蕃薯,当中海老非常新鲜,一咬爆哂汁出黎,真心推荐👍🏻👍🏻❗️P.S: 原来「白布乌冬」喺「金所」大角咀店已告一段落,另外喺深水埗开左「白布乌冬」专门店,想食嘅朋友就要移师去果到啦,而本身嘅金所就用全新餐牌研究「海フライ」登场,主打生蚝、吉列蚝、炸物,等迟D我地再去食金所2.0先! 继续阅读
(以上食记乃用户个人意见 , 并不代表OpenRice之观点。)
等级4 2020-07-03
1895 浏览
写完啲大众人见人爱自助餐,当然要写番啲小众野。大家仲记唔记得金所拉面陈?大家经过推荐食左後系咪仲对个白布乌冬念念不忘呢?可能大家讲起又想起下午3:30要上网抢白布乌冬返屋企煮,又或者想去返金所食白布乌冬。不过潮流兴,多花款,拉面陈嘅金所都已经换上新装,要食白布乌冬就要去深水埗店,金所已经变左金所II,呢个日本料理研究所亦都出咗样新野,叫做拳之牡蛎。炸到成只拳头咁大嘅蚝,为爱日本料理嘅你挥出致命一拳,打到你要生要死。新铺其实开咗冇耐,不过比起白布乌冬热潮来得更加之快,开咗头两日已经有人排队。我谂多得白布,令更多人认识拉面陈。假期嘅下午,十二点前来到,本来都担心要排队,竟然无人,可以直入。舖头当然完全冇特别装修过,只不过换上了主角,呢个实验,我谂市场上冇乜餐厅可以做得到。拳之牡蛎当然系主角,其他两位主角系炸池鱼同海老,定食有两本和三本你选择,大食可以食三件,细食就选两件。当然你仲可以单点是但一样, 牡蛎,池鱼同海老,朋友N先生,系等位嘅时候,佢自己选择咗最精打细算嘅食法,佢叫定食蚝然後单点虾,老婆就食池鱼,咁佢就可以试晒全部野,不过,唔同人有唔同嘅化学作用,都系自已喜好,我加阿爸阿妈就一人一个餐。先讲拳之牡蛎,呢个系一定要食x100,个炸蚝好好好好食。拳头咁大嘅蚝,包住左好多只细蚝,有好多都唔同种类嘅蚝,有来自日本有来自韩国,四至七种不同地方不同品种的蚝放在一齐,虽然系炸,但系炸到好香脆,一点油腻的感觉也没有,最正嘅系就算炸蚝你都食得出佢嘅鲜味。单点一件系$36,除非你讨厌食蚝,如果唔系真系一定要食,一定值回票价。炸池鱼系相对单调选择,不过配合佢嘅沙律酱汁特别出色,池鱼大条而且啖啖肉,而且定食最平只系$78,呢个好抵玩。最贵当然系呢个炸虎虾,来自印尼。真系超级大只,可以说系巨型嘅品种 ,当然而且价钱都系最贵,单点都$108。老实讲炸得几好,而且真系肉质非常鲜甜,你食得出系靓野,不过两本都好饱,如果你大食先叫三只。以个人爱嘅次序,先系蚝,然後虾,最後先系池鱼。最後一题,送上嘅蔬菜加上佢哋自家制萝卜蓉酱,好得,送饭一流,对比网上啲人大赞佢嘅沙律酱同天妇罗酱更好。个面豉汤特别值得一题,都几好,不是死咸的个性杰作。最重要价钱其实都几相宜,呢set野,如果中环basehall买,冇两旧水都走唔甩。另外朋友点了sake,不过同炸物就唔系好衬,反而,呢个用绿茶浸嘅梅酒就好正好refreshing。有兴趣嘅大家就要快啲试啦,唔系迟啲好似白布乌冬咁,排到七彩就唔好啦。金所  大角咀利得街52号地下 继续阅读
(以上食记乃用户个人意见 , 并不代表OpenRice之观点。)
如果唔系区内最大新的住宅屋苑「利奥坊」业主的介绍,我从来想像不到大角咀今时今日已经变成了一个年轻人的兰桂坊了,原来喺奥运站地铁站B出口汇丰中心一座及第二座的出口搭扶手梯落到地面行过对面马路嗰几条街已经变成了这个年轻人吃喝玩乐的社区,沿途我见到一间日本师傅的电眼睫毛店,见到开到深夜的理发店,很多塞满着不同国籍的年轻人的餐厅及酒吧,业主临送别我之前和我经过这间门口黑蚊蚊的店子,指着餐牌话我知今期佢哋推出了炸虾炸鱼炸蚝三个定食,叫我试吓因为好好食同好抵食,仲话我知这间舖头的特色是周不时转换餐牌,每一期的餐牌款式都很少但是系最好的,於是乎我和我的客人及一个跟车的邻居参观完之後就入到这间店子帮衬了👇1. 炸虾定食,两只虾的收费是$228,三只虾的收费是$298。2. 炸鱼定食,两条鱼的收费是$79,三条鱼的收费是$98。3. 炸蚝定食,每一只号好似婴儿的拳头那麽大,鲜味十足,真系好正!两只蚝的收费是$88,三只的收费是$108。每一个套餐都跟一碗有珍珠米混料粘米的白饭、一个好味的面豉汤、白椰菜丝沙律及新鲜红萝卜沙律汁分开上,还有一些日本的叶早前菜但是并不是一般日本餐厅的那些传统款式的泡菜,味道很好没有那麽咸。我们每人夹了$168,每人每款炸物食到一传见,我的另外两位同行者只系食了两汤匙白饭,因为佢哋话减肥。初初入到餐厅的时候只系见到直行都是一张吧枱,好彩同行的朋友唔知点解问佢哋侍应生有没有四人枱,侍应生打开另外一只门见到有两张四人枱,给了我们一张四人枱,坐得非常之舒适,我们饭後谈了一会才离开,门口其实已经有人排队了,但餐厅没有逼我们走,而且埋单的时候叫服务员唔使找钱佢都要找返一蚊俾我。下次大家嚟食的时候可能并不是这些菜式的了,每次自己check吓啦! 继续阅读
(以上食记乃用户个人意见 , 并不代表OpenRice之观点。)
关注度几高嘅一间乌冬店Gimmick度极高😆呃like打卡一流乌冬唔系条状而系一块一块大片乌冬😍确实系好有新鲜感又令人期待嘅🤩知道座位数不多所以好有诚意咁12点前营业时间前就到左😄店员带我地坐一入门口左手边嘅卡位只系对四人卡位有啲意见有两张枱但成间黑房咁😟又暗又局促要啲技巧先影到靓相🤪兼且睇唔到师傅制作过程☹️都几失望😖•好彩店员殷勤🥺多次过嚟加茶先否则个座位位置真系叫天不应•亦建议下👈🏻如果店员会介绍下食法、冷系/热系/沾面嘅分别等等的话整个用餐体验会提升好多冷汁天妇罗沾白布乌冬($115)••••••天妇罗新鲜炸 南瓜、茄子、海老、菇、蕃薯明显 炸粉皮薄通透😜高质!白布乌冬🤤真系有种兴奋感😆热嘅铿鱼汤好浓味 清甜 汤内有茄子大葱乌冬弹牙 厚度足够存在感高挂汁後味道适中南蛮Curry沾白布乌冬($86)••••••友人指咖哩汤较稀 乌冬未能挂汁 继续阅读
(以上食记乃用户个人意见 , 并不代表OpenRice之观点。)