勝記海鮮酒家

营业中

休息中

上星期六，10月7號同一班朋友再去有名呢間海鮮店幫襯，誰知坐低無幾耐，茶都未飲便被夥計催促點菜，當我地想點小菜的時候，夥計就話呢度冇乜小菜，叫我地落去揀海鮮！我哋話睇吓商量先，之後仍然不斷被不同夥計輪流催促點菜落單！同時間又不斷推薦佢哋所謂的名菜！價錢當然貴啦！但係咁樣真係非常滋擾顧客！再加上，夥計的態度好似好了不起，就算叫小菜138蚊都好似好睇唔起！最後我哋都點咗兩款推薦的名菜，龍蝦配炸米粉，以及企喺度嘅燒雞！誰知道＄640一斤的龍蝦名菜，原來還要加每個人頭計的煑功費用！埋單嘅時候二千四百幾蚊只係食到一隻細本地龍蝦一斤二兩，超超唔值得！同我們喺外面的酒樓或者海鮮店食叫的海鮮餸餐，已全包煑功費完全不一樣！最慘就係所謂推薦龍蝦名菜，原來都係一般味道，只係啲粉絲炸咗有啲綽頭！但係價錢真係完全唔值得！到上其它小菜嘅時候，好似食快餐咁樣，快手快腳，完全冇得慢慢享用！都還未食完， 朋友放慢吃，傾吓計，啲夥計除咗喺度清理張枱之外，仲喺度催促其他未食完的餸收得未？話仲有甜品上喎！真係比喺快餐店食的服務還要差好多！到最後更加估唔到，埋單嘅時候睇下張賬單都要被催促，好似唔想比我地睇清楚張單！由始至終我哋