LAB EAT Restaurant & Bar (金巴利道)

营业中

休息中

心血來潮想去食好西，係尖沙咀搵左間靚餐廳同女朋友撐枱腳，頭盤生蠔好正好好味唔再講，女朋友同我都食得好滋味，但我最中意係佢個智利鱸魚配馬賽海鮮湯$298，鱸魚口感較實而不嚡口，個人中意呢種質感多過啲魚肉一夾就散開，每啖都可以沾埋海鮮湯一齊食頗惹味，海鮮湯仲有蜆、青口同紫薯，味道鮮甜。之前未試過煙燻鵪鶉脾$158就試下，廚師將佢燻到微焦苦苦地都幾好食，肉質幾滑，有少少似田雞脾，另外擺盤既蕃茄好好味！飲品試左最新couple cocktail$128，分別係菠蘿味同椰子橙味，個人好喜歡飲菠蘿味因為好甜酒味唔太強烈，椰子個杯反而濃烈啲酒味，兩杯都好飲！