大圍小食

营业中

休息中

早幾日去朋友大圍屋企gathering ，打完牌肚餓，即刻去買啲小食返去食！大圍小食有各款街頭小食，真係宵夜之選。小食店長期有人龍排隊買嘢食，但條隊好smooth, 好快就到。見到煎釀三寶新鮮炸起，不斷keep 住炸出嚟，我樣樣叫咗啲：魚蛋、豆腐、青椒🫑、尖椒、冬菇、茄子🍆、西蘭花🥦、紅腸😍熱辣辣好正！個個食到停唔到口！炸大腸即炸好脆☺️ 當然唔少得燒賣、辣魚蛋，好惹味！臭豆腐真係好正，好香😚 又脆又大件、加埋豆辦醬、甜醬好味！仲有串燒、雞髀都好好味！生菜魚肉好夠份量，魚肉夠多又彈牙，麻油、胡椒粉唔少得😍碗仔翅好足料，木耳爽口，肉絲又夠多！我哋食到勁滿足！