影片
更多
2017-04-16
121 浏览
在飲食網絡紅人口中聽過幾次這家小菜館，今次終於有機會一行4人來到，叫幾味小菜，順道慶祝其中一個生日。冰鎮鮑魚 時價$260/4隻對於海鮮既時價我沒有concept，但同行朋友說這個價位是差不多。鮑魚處理得非常乾淨，用冰鎮著奉桌，保持到鮮味和爽口既口感，而且size也不細。奄仔蟹蒸糯米飯 時價$240繼續係對價錢無concept既海鮮，整之前老細係缸度拎左隻蟹出黎話呢度到一斤，朋友幾個一齊話OK隻蟹就拎左入廚房。奄仔蟹有超多蟹膏，可以食到既肉反而唔多，糯米飯略有點淡，靠少許蔥花調味有點單調。金牌金字塔 $108呢個係我一入店見到醬上既相已經好想叫，因為個樣好得意。菜館用一個香薰座原理既盅上菜，下面仲有蠟燭點著保溫。金字塔由一層一層肥瘦肉既薄片砌成金字塔狀，內裡包裹著濃味既梅菜豬肉粒，而且好多汁。慢慢用刀打對角切開後就會見到餡係入面瀉出黎，好壯觀架其實，同埋薄既肥豬肉係入口即融，好正。滋味金磚皇 $88這是一個素食既菜，是用豆漿加上蛋漿煮成的金磚狀，再在其中加這入九菜碎。豆腐入饌大家都怕伏，不過呢個金磚加上豆漿後好似變得更Firm，口感增加。金磚外圍淋上像茶記常遇到的芝士汁，送飯一流，不
在飲食網絡紅人口中聽過幾次這家小菜館，今次終於有機會一行4人來到，叫幾味小菜，順道慶祝其中一個生日。
冰鎮鮑魚 時價$260/4隻對於海鮮既時價我沒有concept，但同行朋友說這個價位是差不多。鮑魚處理得非常乾淨，用冰鎮著奉桌，保持到鮮味和爽口既口感，而且size也不細。
奄仔蟹蒸糯米飯 時價$240繼續係對價錢無concept既海鮮，整之前老細係缸度拎左隻蟹出黎話呢度到一斤，朋友幾個一齊話OK隻蟹就拎左入廚房。
奄仔蟹有超多蟹膏，可以食到既肉反而唔多，糯米飯略有點淡，靠少許蔥花調味有點單調。
金牌金字塔 $108呢個係我一入店見到醬上既相已經好想叫，因為個樣好得意。菜館用一個香薰座原理既盅上菜，下面仲有蠟燭點著保溫。金字塔由一層一層肥瘦肉既薄片砌成金字塔狀，內裡包裹著濃味既梅菜豬肉粒，而且好多汁。慢慢用刀打對角切開後就會見到餡係入面瀉出黎，好壯觀架其實，同埋薄既肥豬肉係入口即融，好正。
滋味金磚皇 $88這是一個素食既菜，是用豆漿加上蛋漿煮成的金磚狀，再在其中加這入九菜碎。豆腐入饌大家都怕伏，不過呢個金磚加上豆漿後好似變得更Firm，口感增加。金磚外圍淋上像茶記常遇到的芝士汁，送飯一流，不過材料非常簡單$88可以便宜一點點。
脆皮牛腩 $128 ，呢餅$128既牛腩，份量唔多其實同我平時早餐會牛腩河差唔遠。不過牛腩這個做法第一次遇上，炸粉coat住既外皮炸到卜卜脆，牛腩又未太乾身。不過有點食唔慣這種無汁既牛腩既做法，是有趣的，唔怕慣可以一試。總括而言，這裡有好多小菜是我平時係深水埗、沙田、旺角既小菜館都未有機會遇上，都是新鮮特別的，只是價錢有點點偏高而已。
张贴
