影片
更多
2023-04-08
95 浏览
KABOOM供應東南亞fusion菜，位於尖沙咀太子集團中心20樓頂樓，喺餐廳行上一層有roof top bar，但微微細雨吓我哋揀咗坐indoor，圍繞住餐廳嘅玻璃窗都望到維港夜景，加上室內燈光柔和，環境舒適，非常愜意。我哋坐bar枱，望住調酒師用熟練嘅手法調酒都係一種享受，就先叫兩杯飲品啦~【Life Sucks, Let’s Get Drunk!】係用Rum酒、蜜瓜蓉、四季柑汁調配嘅椰子味cocktail，用個椰子形狀嘅容器裝住，再插上長長葉子，充滿熱帶風情。【Canloocan】係mocktail，混合柚子汁、蘋果汁、接骨木花嘅mocktail。淺碟香檳杯上幾片唔同顏色嘅花裝飾，感覺好似池塘上嘅落花，幾有意境。飲住嘢食啲前菜開心share就最啱。【KABOOM Sharing Platter】拼盤有雞翼、雞肉串燒、雞尾酒蝦、越式春卷、薯條，用個長方形藤籃裝住，好有特色，仲配沙爹醬、泰式酸甜醬、雞尾酒醬三種不同醬料。雞肉串燒必點沙爹醬，帶淡淡花生香；越南春卷炸得超鬆脆，點泰式酸甜醬好開胃；薯條啱啱炸出嚟熱辣辣，點三款醬各有不同風味。【Deep Sea Tacos】深海墨西哥夾餅，
我哋坐bar枱，望住調酒師用熟練嘅手法調酒都係一種享受，就先叫兩杯飲品啦~
【Life Sucks, Let’s Get Drunk!】係用Rum酒、蜜瓜蓉、四季柑汁調配嘅椰子味cocktail，用個椰子形狀嘅容器裝住，再插上長長葉子，充滿熱帶風情。
【Canloocan】係mocktail，混合柚子汁、蘋果汁、接骨木花嘅mocktail。淺碟香檳杯上幾片唔同顏色嘅花裝飾，感覺好似池塘上嘅落花，幾有意境。
飲住嘢食啲前菜開心share就最啱。
【KABOOM Sharing Platter】拼盤有雞翼、雞肉串燒、雞尾酒蝦、越式春卷、薯條，用個長方形藤籃裝住，好有特色，仲配沙爹醬、泰式酸甜醬、雞尾酒醬三種不同醬料。雞肉串燒必點沙爹醬，帶淡淡花生香；越南春卷炸得超鬆脆，點泰式酸甜醬好開胃；薯條啱啱炸出嚟熱辣辣，點三款醬各有不同風味。
【Deep Sea Tacos】深海墨西哥夾餅，饀料有鮮爽嘅雞尾酒蝦、鮮香嘅三文魚籽、爽甜嘅生菜絲，連同夾餅全部口感都係爽脆，再加滿滿Marie rose dressing海鮮醬提升胃口，味道多層次。對於鍾意食蝦嘅我係必點之選。
主菜叫咗燒春雞同肉眼扒。
【Go Big Go KABOOM!】 將雞醃好再烤製24小時，成隻雞份量都幾多。雞肉嫩滑juicy，胡椒令雞肉加添惹味。配菜嘅蔬菜都係烤出嚟嘅，秋葵又香又甜。
【Stone-grilled Grass-fed USDA Prime Ribeye Steak】USDA評級中最高級嘅Prime Grade肉眼扒，石燒出嚟香烤味濃厚，肉質同脂肪比例均勻，入口油香肉香兼備。配菜除咗烤薯仲有南瓜、車厘茄等等，減低膩感又營養均勻。
食完上去roof top bar參觀吓，因落雨關係搭建咗啲帳篷，裡面一個燈泡放出柔和暖光，就算落雨都感覺溫暖浪漫。
张贴
