大壹燒鵝 (MOSTown Street新港城中心大街(3期))

营业中

休息中

大壹燒鵝一到食飯時間實要排隊先入到，除左燒味之外，佢都會有炒粉麵飯同小菜嘅選揀，但排左咁耐隊就緊係試下佢啲燒味啦。燒鵝乳豬米配中湯 $68俾左燒鵝髀已經好有驚喜，而燒鵝肉質厚實，食落又好嫩又有肉汁，仲有陣陣燒鵝味，燒鵝皮脆卜卜，燒得好夠火喉，但酸甜醬味道較淡。乳豬皮脆肉嫩，食落好香口，肉質好滑，再埋燒肉醬夠哂惹味。大壹燒鵝嘅燒鵝真係無得輸，見到隔離枱嘅食客會叫半隻品嘗，下次都要叫半隻先夠喉，另外偷食左朋友嘅叉燒都係好正。黃店一定支持。