霸嗎拉麵 (已搬遷) 新店位置

要晌銅鑼灣食拉麵，十居其九都會去登龍街，嗰到成條街有好多間拉麵店：豚王、金田家、三田製麵所等，不過今次同友人以上幾間麵唔揀，選擇咗呢間廣島霸嗎拉麵。我地嚟到時都已經9點，好彩早一步入到，隔一陣出面都已經要排隊...安頓好後即時睇下餐牌，除咗平時大家食開嘅豬骨湯底拉麵，見呢間有雞湯底拉麵，之前都未試過，所以今次決定作新嘗試雞叉燒味玉雞白湯拉麵一嚟到，感覺個湯底比平時嘅顏色較淡，怕唔夠味，不過食落味道仍舊好濃，而湯底亦唔係好油膩，忍唔住一路吃麵一路飲，另外個雞叉燒幾特別，有叉燒厚道，但事實上蒜香雞煎得唔錯，配搭埋湯底都幾夾。至於個麵睇落喺佢地自己counter 到自己整，個麵質幾特別，睇落有啲似米線，但堅韌度一啲都唔同，都算係佢地其中一個賣點另外亦叫咗個羽根燒餃子，餃子個網底非常薄而脆，而餃子個皮好薄，餡料都算多，一口食落滿滿的，很滿足另外叫咗個蘋果梳打做嘢飲，如果大家日後嚟到，或者晌超市見得，不妨要買嚟飲，真係非常好飲，令我都特登記低個招牌吃後大家都好滿意，餃子同拉麵都令人驚喜，實在係最佳配搭....（同埋呢間麵店唔洗加一呀，感覺更加抵）