青雪商店

营业中

休息中

知道天后新開咗間以雞白湯湯底出名嘅拉麵，今日係銅鑼灣shopping 完就過去食下。餐廳入面貼滿Chiikawa🤣🤣同有好多日本元素。白松露雞白湯拉麵一上枱就聞到好香嘅白松露味，先飲個湯，湯底Creamy，原來係用左三款雞同兩款豬骨熬製10個鐘煲成，唔怪之得飲完係咁黏口🤭🤭有兩隻叉燒，一隻係西班牙黑毛豬叉燒，另外係雞叉燒，雞肉叉燒做得好好，超嫩滑。麵係幼身，口感啱啱好。因為太肚餓的關係，加左$38 叫左個叉燒飯，呢個就正常。下次再黎會想試吓佢個蟹白湯拉麵。特盛醬油清湯拉麵有增量的黑毛豬叉燒，仲有兩舊雞叉燒，佢個醬油湯底睇落好深色，湯底濃而唔會死咸，仲帶點鮮甜，食完唔會口渴。雞叉燒一樣好嫩滑，仲有四塊西班牙黑毛豬叉燒👍👍醬油漬鮮六頭鮑魚用左六頭新鮮鮑魚，好易咬開，入味得黎調味做到剛剛好，大推，下次要試埋醬油漬鮮蠔先。