青雪商店

营业中

休息中

夜晚放工後, 想去食碗拉麵醫下肚, 本來諗住簡簡單單又一餐, 點知食出個真材實料拉麵店, 真正拉麵天花板!!~<龍蝦豚骨湯拉麵>材料有大蝦、豚肉、醬油蛋, 用料非常高質, 龍蝦湯底味道非常濃厚, 日本拉麵的麵質較為厚實, 入口彈牙煙韌, 而且吸收了龍蝦湯的精華, 更加突出龍蝦的鮮甜味道。<醬油湯拉麵>本來叫蟹白湯拉麵, 點知賣曬, 最後轉左醬油湯拉麵。材料有雞肉、豚肉、醬油蛋等, 雞肉非常嫩滑, 用上慢煮的做法, 令雞肉保持到肉汁和雞肉的鮮甜味道, 醬油蛋非常軟滑, 咬落去蛋黃有流心的感覺, 而且蛋黃味道香濃, 非常好食。醬油湯底較為清甜, 配上拉麵, 非常好味。<醬油漬六頭鮮鮑魚>最令我意想唔到嘅係, 估唔到吃拉麵的地方, 也有如此高質素的六頭新鮮鮑魚！！鮑魚超級大隻, 入口又軟又彈, 並且用上日式醬油漬方法來製成, 令鮑魚鮮味更加突出, 非常好食, 值得推薦！！~<醬油漬熟鮮蠔>以醬油漬製成的鮮蠔, 每隻都脹卜卜, 入口又嫩又滑, 清甜而帶有鮮味, 好食推薦。小店選擇雖然不算太多, 但貴精不貴多, 如果想試到高質素的日

相信好多人都被呢間拉麵小店嘅Chiikawa主題環境吸引而來，推門入內，天花懸掛和紙燈籠，牆面一邊繪滿可愛的Chiikawa角色，另一邊貼滿經典日本電影及電視劇海報，整體裝潢充滿東洋氛圍。即使接近八點多的晚市時段，顧客仍絡繹不絕，可見其人氣。特盛雞白湯拉麵 $112湯底呈奶白色，帶輕微黏口感，表層浮有薄油脂鎖住溫度，雞骨鮮味突出。搭配幼身拉麵，彈牙且掛湯力強。配料包括叉燒、雞肉、溏心蛋及竹筍，雞胸肉及叉燒軟都好嫩滑，溏心蛋火候剛好。重點是，可免費加麵，適合大胃王或想更飽足的食客。龍蝦湯拉麵 $118橙紅色湯底視覺搶眼，鮮味濃郁，飲得出真係以龍蝦膏和龍蝦肉熬製。麵條煙韌有嚼勁，同樣有叉燒，再配兩隻醬油漬剝殼蝦，蝦肉爽彈入味。同樣可免費加麵，讓喜歡濃厚海鮮風味的客人吃得盡興。醬油漬蠔（熟鮮蠔）$38熟蠔卻保持生蠔般的飽滿嫩滑，醬油調味輕淡，突出蠔鮮。醬油漬鮑魚（鮮六頭鮮鮑）$40六頭鮑份量驚人，真係好大隻，肉質軟嫩帶彈性，醬油鹹鮮微甜，性價比高。富士山柚子梳打 $28（跟餐)日本進口柚子風味清新，甜度適中，氣泡感解膩，完美搭配拉麵。

一向好鍾意食雞白湯拉麵，見到最近天后新開咗呢間拉麵店，主打雞白湯湯底同海鮮湯底拉麵，仲可以免費任加拉麵咁癲，一於去試下！🤩🤩餐廳由門口到牆身都充滿Chiikawa裝飾，拉麵黎講算係幾大間，坐位都闊落舒服~我地果日夜晚先去到，有唔少拉麵款式都售罄，本身想食"白松露雞白湯"賣晒，就點咗個➡️"特盛雞白湯拉麵"，雞白湯幾濃郁，湯底滑順，冇油膩感。麵身煮得啱啱好，彈牙爽口👍🏻另外果碗點咗➡️"龍蝦醬油濃湯拉麵"，配料方面，蝦肉嫩滑! 龍蝦味道好鮮明，湯底濃厚，麵身掛湯，啖啖都充滿海鮮嘅香氣。而醬油嘅味道恰到好處，唔會太鹹，反而更帶出龍蝦嘅鮮味! 好有驚喜!😋😋除咗拉麵，小食都幾好食 ➡️"醬油漬鮑魚" 係六頭鮮鮑，都差唔多成隻手掌心咁大，鮑魚肉質滑嫩，每一啖都可以感受到鮑魚嘅彈牙口感，醬油漬令到鮑魚嘅鮮味更加突出，唔會太鹹，反而更有層次感!👍🏻另外➡️"醬油漬蠔"，每份有2隻，食落去口感滑溜，仲帶有啲微微嘅咸香，不過有少少腥味，建議加多d檸檬/ 紅酒醋~跟餐飲品揀咗➡️"白桃梳打" 同 "蜜瓜梳打"，兩杯都氣泡感十足，蜜瓜梳打嘅果香唔係咁岩我口味，但白桃梳打入口甜美，帶有淡淡嘅桃香，夏天飲岩晒!😎🔹特盛

最近港島區愈開愈多拉麵，早兩個星期分享咗幕多嘅蝦麵🦐，今次就講天后青雪，除咗因為近屋企，仲因為老闆好活躍用threads宣傳，好多拉麵post都有佢蹤影😂雞白湯同蝦湯都好夠濃，湯底一定熬咗好耐，而且免費可以加麵同免加一，附近嘅街坊有福了🫶🏻特盛雞白湯拉麵🐓 $112 (🌟8/10)雞白湯濃厚順滑幾漿口，食到雞油香味，同之前食K11 銀座篝完全係兩種路線，個間偏向似忌廉雞湯，而且我鍾意青雪個位係佢無咁油！拉麵比較粗身，幾夾濃湯，但稔身咗啲，叉燒就厚身有煙燻香味，溏心蛋都整得唔錯，係略嫌未夠醬油味龍蝦醬油濃湯拉麵🦞 $112 (🌟8.5/10)湯底呈橙紅色，好濃好鮮又夠熱，無雞白湯咁漿口，夏天食呢款會啱啲所以我俾高分少少，兩隻蝦都大隻彈牙，已經剝咗殼夠貼心🫶🏻醬油漬蝦🦐 $38 (🌟8.5/10)醬油漬令蝦肉微甜惹味，拉麵得兩隻覺得唔夠喉記得追加醬油漬鮑魚 $40 (🌟7.5/10)夏天最啱食凍鮑魚，鮑魚有手掌咁大隻都係$40‼️質地好彈牙，但醬油味比較蝦就冇咁入味，可以再醃耐少少

都說天后一帶的食肆臥虎藏龍特別多，這晚就來試新開的日式拉麵店推門見到天花掛着和紙燈籠，一邊牆上畫了可愛的Chiikawa, 另一面牆貼滿日本電影海報，洋溢日系的氣氛🐥白松露雞白湯拉麵在日本食過，驚為天人，終於可以在香港再見一麵了上枱一陣松露的香氣先聲奪人，趁熱先試一口湯頭，質地濃厚而絲滑，是要真正用雞肉和雞骨去熬的湯底，才有這種老火雞湯黏黏的口感，好有雞香味 配料也做得認真，叉燒用上西班牙黑毛豬，肉質鮮嫩有彈性，流心蛋蛋黃真正流心，入味但沒有蓋過蛋香。至於兩片雞胸肉沒有太多的調味，反正湯頭已經夠香濃，保留雞肉原本的鮮味就可以了🦞龍蝦醬油濃湯拉麵橙紅色的湯底，是看得見的濃郁。喝下去感覺是化成液體的龍蝦膏和龍蝦肉，極度鮮甜還有一絲白蘭地的香氣，根本就是一個足料的龍蝦湯。配上軟硬適中又掛湯的幼麵，每一口都好滋味配料和雞白湯拉麵一樣，但雞胸肉換上2隻醬油蝦。蝦肉結實而鮮味，已經剝殼非常貼心還有其他拉麵店少見的小食🦪醬油漬蠔（熟鮮蠔）說是熟蠔但肉質飽滿又嫩滑，而且蠔味十足猶如生蠔，醬油漬只是淡淡的調味去帶出蠔的鮮味，喜歡食生蠔的朋友不能錯過🦪醬油漬鮑魚（六頭鮮鮑超大隻）真的很大隻，佔據整個醬油碟

天后站行1分鐘就到達餐廳，好方便！店外店內都佈滿chiikawa poster及貼紙，極吸精！睇Menu主打拉麵及醬油漬小食-醬油漬鮑魚一隻六頭鮑魚有手掌甘大隻。肉質好新鮮，爽口彈牙！醬汁味不會掩蓋鮑魚本身的風味，一個字「鮮」醬油漬蠔蠔本身帶有海水鹹鮮味，感覺海水味較濃；但蠔本身極新鮮，愛蠔人士必點！拉麵方面叫了截然不同的湯底，而且可以免費加麵：-龍蝦湯拉麵湯底濃郁，充滿了龍蝦肉及蝦膏煲成的鮮甜味；拉麵的口感彈牙，食的時候吸附了湯汁的精華。濃味愛好者必叫！麵內附有日式叉燒，糖心蛋，兩隻醬油漬已剝殼的蝦（加分位）！特盛雞白湯拉麵飲落是濃郁的雞湯，味道香醇。這湯底跟龍蝦湯底都各有千秋！雞白湯湯底顏色看似清淡，但飲落口味道十分厚實，不可少看！雞肉鮮嫩，湯中再加入一些蔥花和海苔，增添了層次感。拉麵是可以免費添加，可以説是一個價錢二碗麵！食得好爽！

最近同朋友去咗北角一間叫青雪商店嘅拉麵店，主打海鮮湯頭，見到有蟹白湯同蠔白湯兩款都幾特別，就決定一次過試晒。加埋幾款海鮮小食，食完覺得幾有驚喜，分享一下～🍜 蟹白湯拉麵 $118一打開已經聞到蟹香逼人，帶少少奶香，飲落有深度。麵條偏粗，掛湯一流，咬落煙韌，完全唔會淋。叉燒有脂肪嘅同瘦嘅兩款，口感層次好豐富，仲有紫菜、蔥花、溏心蛋點綴，賣相同味道都無得輸！🦪 蠔白湯拉麵 $135呢個湯底超漲郁！用左三款蠔，真係真材實料，入口即感受到蠔嘅鮮甜，味道有厚度，飲完口腔都仲留住蠔香。配料除咗叉燒、糖心蛋之外，仲有一塊慢煮雞肉，口感相當滑嫩，好高質🥚 醬油漬蠔（六頭鮮蠔） $40蠔粒大肉厚，鮮味十足，冇雪藏味，配埋拉麵食，滋味加倍！🐚 醬油漬鮑魚 $38鮑魚超厚切，刀工靚，滲晒味落肉，咬落爽口彈牙，唔腥唔韌，成件事好高級感！🔖 最正嘅係可以免費加麵，好抵！

「天后有間由炸脾轉型既拉麵」小編今次就帶大家黎到天后，同大家介紹一間位於天后站附近，由知名炸脾轉型既拉麵 一 青雪商店 @chingsuet_ramen🌟特盛雞白湯拉麵 $112靈魂雞白湯湯頭呈醬油色，飲落雞味濃郁之餘亦飲得出醬油香，雞肉食落幾嫩滑，份量亦算比得幾大方🤤👍🏻👍🏻🌟醬油漬蠔 $38(2隻)蠔肉食得出鮮味之餘帶淡淡醬油香🤤👍🏻🌟醬油漬鮮鮑 $40(隻)鮮鮑大隻得黎肉質爽彈，食落帶淡淡醬油香🤤👍🏻👍🏻📍青雪商店地址：天后電氣道39號凱旋大廈地下L號舖#天后 #青雪商店 #拉麵 #雞白湯 #留港消費 #支持小店 #覓食天后 #食在天后 #醬油漬蠔 #為食關注組 #醬油漬鮮鮑 #天后食乜好 #雞白湯拉麵 #香港美食地圖 #特盛雞白湯拉麵 #九十後行到邊食到邊 #HKIG #HKIGER #HONGKONGFOODIE

📌天后平民食堂 自薦小店篇平民食堂最近，就系social media上面招募餐廳自薦，自費去支持下，畢竟香港其實有好多小店需要大家多多支持。而今次自薦既小店系位於天后，位置非常方便，就系天后站A2出口附近，系一間最近系social media上面 比較有話題比較有爭議既小店 一 青雪商店 🐥🍜特盛雞白湯拉麵 $112拉麵既靈魂，除左拉麵本身就系湯頭，而佢地既湯頭，實際上系呈現醬油色，可能除左雞以外，加左日本醬油調味？而兩者個味都幾出，所以略嫌醬油好似喧賓奪主，而拉麵既雞肉都幾滑😋👍🏻整體而言，位置非常方便，小店吾大得幾張檯，而爭議雞白湯拉麵，我覺得都可以，至少有合格以上，當然亦有進步空間，我覺得都不妨一試👍🏻📍青雪商店地址：天后電氣道39號凱旋大廈地下L號舖

大概6:30左右到達唔需要排隊可以直入，但係7:30嚟嘅話就要排隊，入到去好大浸鹹臭嘅食物味，我諗啲湯應該真係真材實料，所以成間舖都係嗰隻味？可以免費加麵，大食嘅朋友真係可以放一萬個心呀。🍜龍蝦湯拉麵 $118朋友叫嘅，好濃蝦味，好濃海鮮味，濃到唔知係濃定鹹，感覺唔係純正用蝦保嘅湯底可能溝咗啲醬油或者有個base ，食到有啲層次嘅🤣食耐咗會有少少偏鹹，蝦肉係彈牙新鮮嘅，不過比較細隻少少！🍜特盛雞白湯拉麵 $112 (加量叉燒)多咗嘅叉燒係多咗兩片！雞湯都一樣好濃，係濃到漿口，第一啖似中式濃湯雞味，都係分唔到濃定鹹，飲到雞嘅原味同埋精華！個麵好滑有口感都掛湯，用咗彩嘅拉麵？叉燒厚身幾滑有肉香，帶少少肥，個蛋做到糖心流心，不過就唔算有蛋味，味道係唔錯！推薦指數: 7/10份量都好足，加麵嘅話真係點都會飽，本人唔太好重口味，所以覺得啲拉麵有啲偏鹹，不過都覺得佢好用心真材實料去做嘅！

呢間餐廳由荃灣天后雞髀王「和順記」打造，主打雞白湯湯底同海鮮湯底拉麵🎌仲可以免費加麵😱💗特盛雞白湯拉麵($112)雞白湯以大量原隻三黃雞、雞殼、豬筒骨、豬脊骨、蔬菜同薯仔等熬最少8小時，飲落相當creamy帶黏稠口感🐓但味道唔似日式傳統雞白湯個種醇厚，反而有d似金寶忌廉雞湯😅 拉麵選用小麥麵條，非常掛湯，不過麵質唔夠彈牙🌾；叉燒選用西班牙黑毛豬，肉質粉嫩軟滑，有煙燻香味🍖仲有一隻溏心蛋，不過蛋黃唔夠流心🥚💗特盛清湯熟成醬油拉麵($112)清湯熟成醬油湯底屬於淡雅清爽嘅味道，飲落鰹魚嘅鮮味好突出，相對較有日式風味，同樣配搭小麥麵條、4片慢煮叉燒同溏心蛋🍜💗醬油漬鮑魚($40/ 隻)選用六頭鮮鮑，差唔多成隻手掌心咁大，食落軟腍又彈牙，食到有醬油、清酒同麻油香味，但同時又唔會蓋過鮑魚嘅鮮味🐚

朋友帶我食新嘢，話我肯定未食過蠔湯拉麵門口寫住有加麵免費入到去睇到餐牌有多款拉麵，都好啱食·朋友話黎到餐廳一定要叫蠔白湯一上枱就見到係好濃鬱嘅蠔湯質地係感覺有一點濃籌面質係不粗又不幼的這種， 又彈牙又掛湯感覺湯底係滿滿的蠔肉我要咗龍蝦湯拉麵， 湯底係啡紅色叫咗多蝦油蝦味真係非常濃鬱平時唔係好鍾意食拉麵嗰啲叉燒，覺得又鞋又韌，呢塊出奇地好好食，又重肉香又夠嫩滑連嗰個溫泉蛋都覺得好好食加咗一個醬油漬鮑魚鮑魚係新鮮鮑魚，彈牙， 醬油味唔會好重又有鮑魚的鮮味店舖有好多種不同的日本汽水朋友好保守要完熟白桃我就要咗富士山柚子梳打 感覺冇平時嗰啲咁甜啖啖的柚子香味拉麵感覺好足料，材料都好新鮮一百多元一碗覺得都OK餐廳佈置有好多日本劇集的海報可以一面食一面睇下有冇睇過嗰套劇集都幾有趣枱面有一個調味料 好有趣裏面有幾條魚仔喺入面

今日同事帶我去試青雪商店，聽個名真係估唔到係食拉麵！鋪頭細細但幾有feel，主打幾款拉麵同小食，最正係可以免費任加替玉，店員仲相當親切有禮貌👍我哋兩個都係醬油控，叫咗特盛清湯熟成醬油拉麵，個湯底真係不得了，用咗冬菇、元貝、魚乾、螺片同昆布熬製，鮮味層次好豐富，我忍唔住飲晒成碗😋另外試咗煮干雞熟成醬油拉麵，升級咗厚切火炙豬腩肉叉燒，個叉燒厚到呢～外層微微焦香，入口即化，真心正☺️小食方面，醬油漬鮑魚同蠔都係驚喜，鮑魚大大隻夠彈牙，蠔又鮮甜，配埋拉麵食簡直完美❤️今餐真係食得好滿足，下次要再食佢個雞白湯先😝

呢間日式拉麵店位於凱旋大廈地下，近天后站A2出口，行幾分鐘就到。店內裝潢好有日本feel，牆上貼滿Chiikawa畫畫同經典日劇海報，仲有日式燈籠點綴，氣氛懷舊又溫馨，啱晒打卡同輕鬆食飯，仲有免費加麵服務，超貼心。😋特盛雞白湯拉麵一上枱已經聞到濃濃嘅雞湯香，湯底奶白色，熬得順滑濃郁，帶點雞油嘅甘香，入口好creamy但唔會太膩。拉麵偏粗身，掛湯力強，咬落彈牙。配料有厚切叉燒、慢煮雞胸、溏心蛋同竹筍，叉燒軟腍帶煙燻香，雞胸嫩滑，溏心蛋流心效果一流，蛋黃香濃。整體味道豐富，食落好滿足！🍜特盛-清湯熟成醬油拉麵係另一款既湯底，湯底清澈見底，醬油香氣突出，帶點微甜同鮮味，飲落順滑無味精感。麵條偏幼，口感爽滑，吸滿湯汁，每啖都好惹味。配料有叉燒、紫菜、蔥花同溏心蛋，叉燒薄切但好入味，紫菜增添海鮮風味，溏心蛋同湯底好match，食落清爽又開胃！🍜跟住係D小食，醬油漬蝦好吸引，蝦已剝殼，肉質爽彈，醬油醃得入味，帶點微甜同海鮮嘅鮮味。蝦身大隻，咬落有陣陣醬香，口感結實，無腥味！🦐醬油漬蠔，蠔身脹卜卜，入口鮮甜多汁，醬油味滲入蠔肉，帶出濃郁嘅海味。質地軟滑但有咬口，處理得乾淨，無沙感。配上少少蔥花點綴，

呢排電視成日介紹日本美食之旅！晚晚喺屋企係咁睇食拉麵🍜⋯⋯真係好想飛去日本食拉麵！呢排如果出街都選擇日本嘅料理！啱啱喺維多利亞公園運動完鬼死咁肚餓！行過見到一間日式餐廳，banner寫住加麵🤩🤩免費🆓⋯⋯二話不說就入咗去啦⋯⋯龍蝦湯拉麵龍蝦湯湯頭非常濃郁⋯⋯橙紅色嘅湯頭又濃又香⋯⋯質地有啲濃稠⋯⋯麵條爽口煙靭⋯⋯麵條掛滿醬汁非常滿足⋯⋯大蝦非常新鮮，仲剝殼啱晒我啲懶鬼⋯⋯溜心的替玉和美味可口嘅叉燒吸收晒啲湯汁超美味！熟鮮蠔用醬油漬嘅方法能夠帶出先好嘅美味和原味！👍特盛雞白湯拉麵雞白湯湯底呈現乳白色⋯⋯湯頭非常濃郁⋯⋯順滑🙆‍♀️帶點膠質感⋯⋯嫩滑嘅雞肉，加上Double的西班牙嘅叉燒超滿足⋯⋯每一款拉麵仲會送埋溏心蛋添！醬油漬蝦蝦肉彈牙鮮甜，💁‍♀️仲唔使搣殼添！最後我哋加咗兩個拉麵🍜⋯⋯係免費嘅😍😋⋯⋯店員好細心，當我哋差唔多食完才加熱辣辣嘅替玉😘😘⋯⋯但係原來份量都好多⋯⋯建議如果唔係大胃人士🙆‍♀️兩位加一份就夠啦💁‍♀️⋯⋯木村完熟自桃梳打晴王麝香白葡萄梳打日本拉麵點少得日本出產嘅梳打！未食過日本拉麵係可以咁滿足嘅免費加麵超飽！