影片
更多
2018-12-15
30 浏览
今日去咗銅鑼灣搵個友人食飯，拉一拉個麵回憶下去日本旅行(￣▽￣)。經過餐廳門口，店外嘅紅燈籠招牌吸引我， 店內嘅裝修精緻，幾有日本風味( ´▽｀)。見到門口有少量人排隊，決定呢間。排隊嘅時候職員會預先俾餐牌睇 ，大約等咗十零分鐘就可以入鋪。店舖風格同日本店一樣 ，係旁邊可以睇到師傅即場整拉麵。由於係排隊時候已經傾好食乜，坐底可以即刻落單，我地點咗兩碗拉麵同兩份小食(*^_^*)。先係特製沾麵，餐廳用嘅係極粗麵，軟硬適中，口感彈牙而且有嚼勁。麵湯有濃厚嘅木魚豚骨味， 唔油膩(^o^)。呢個係名古屋辛味沾麵，係日本混台灣嘅沾麵，因為湯汁有特製辛味豬肉碎，少辣少咸，感覺有啲似台灣肉燥。另外，係配料方面追加咗兩塊叉燒， 口感軟嫩，配上極粗麵是一流，鍾意日本同台灣口味嘅，不坊一試。炸蟹肉忌廉餅，即叫即炸熱辣辣，驚喜嘅係外脆內軟入口即溶，外面嘅粉漿好薄，一啲都唔油膩，入面嘅忌廉唔結身好軟，所以感覺有肉汁一樣，配上檸檬汁酸甜酸甜口感非常好(￣O￣)。呢個係炸八爪魚丸，有三粒同六粒揀，我地揀咗六粒。外脆內軟，酥酥脆脆的外皮混合咗八爪魚粒，加上日本燒汁、沙律醬、紫菜條同木魚絲，非常有層次感，十分地道(´
經過餐廳門口，店外嘅紅燈籠招牌吸引我， 店內嘅裝修精緻，幾有日本風味( ´▽｀)。見到門口有少量人排隊，決定呢間。排隊嘅時候職員會預先俾餐牌睇 ，大約等咗十零分鐘就可以入鋪。
店舖風格同日本店一樣 ，係旁邊可以睇到師傅即場整拉麵。由於係排隊時候已經傾好食乜，坐底可以即刻落單，我地點咗兩碗拉麵同兩份小食(*^_^*)。
先係特製沾麵，餐廳用嘅係極粗麵，軟硬適中，口感彈牙而且有嚼勁。麵湯有濃厚嘅木魚豚骨味， 唔油膩(^o^)。
呢個係名古屋辛味沾麵，係日本混台灣嘅沾麵，因為湯汁有特製辛味豬肉碎，少辣少咸，感覺有啲似台灣肉燥。另外，係配料方面追加咗兩塊叉燒， 口感軟嫩，配上極粗麵是一流，鍾意日本同台灣口味嘅，不坊一試。
炸蟹肉忌廉餅，即叫即炸熱辣辣，驚喜嘅係外脆內軟入口即溶，外面嘅粉漿好薄，一啲都唔油膩，入面嘅忌廉唔結身好軟，所以感覺有肉汁一樣，配上檸檬汁酸甜酸甜口感非常好(￣O￣)。
呢個係炸八爪魚丸，有三粒同六粒揀，我地揀咗六粒。外脆內軟，酥酥脆脆的外皮混合咗八爪魚粒，加上日本燒汁、沙律醬、紫菜條同木魚絲，非常有層次感，十分地道(´▽｀)。
整體服務同環境都不錯，其中有職員係日本人，真係好似去咗日本一樣，而且佢地係好有禮貌呢， 會送我地走（＾Ｏ＾）。
张贴
