影片
更多
2023-08-13
91 浏览
放工要去食好野放鬆下🧘🏻♀️今次挑選咗一間鐵板燒真係性價比極高‼️每位$588已經有十一品欣賞住師傅燒野食好治癒👁️✨晚餐鐵板燒「本」 $588/位✨呢個鐵板燒套餐好豐富，有十一品美食，包括海鮮、和牛等等嘅高級食材，呢個價錢就食到真係抵到爛呀。🔸前菜前菜有汁煮螺肉同埋沙律。螺肉煮熟後再醃製雪藏，食落好入味，肉實雪得嚟有嚼勁。沙律好新鮮，食落好爽口，個汁酸酸哋好開胃。🔸北海道帆立貝帆立貝好新鮮好大粒，喺鐵板上煎完後外層好焦香，食落口感好鮮嫩好彈牙，味道鮮甜，伴碟嘅冬瓜蜆湯汁同帆立貝好夾。🔸甘鯛師傅好有功架，以立鱗燒嘅方式烹調，甘鯛嘅外觀好靚，魚鱗燒到好似好有層次感，食落好香脆，魚肉好嫩滑鮮甜。🔸虎蝦隻虎蝦好大隻好生猛，師傅將蝦頭嘅蝦膏配上牛油同清油製成醬汁，鮮味十足，蝦肉香煎完肉質實正彈牙，加埋個醬汁就更惹味。🔸豚肉生薑燒薄餅豚肉嘅肥瘦好平均，煎完後肉質嫩滑多汁，加上洋蔥絲同生薑再煎多幾吓，吸收埋洋蔥同生薑嘅香味。簿餅皮煎到好香脆，包住精心炮製完嘅豚肉好正。🔸 美國安格斯牛薄燒同啱先嘅豚肉簿餅都幾似，唔同嘅係呢道菜選用美國安格斯牛，食落牛味好香濃，再配上炸蒜片，口感同味道都係另一種風格。🔸美
今次挑選咗一間鐵板燒
真係性價比極高‼️
每位$588已經有十一品
欣賞住師傅燒野食好治癒👁️
✨晚餐鐵板燒「本」 $588/位✨
呢個鐵板燒套餐好豐富，有十一品美食，包括海鮮、和牛等等嘅高級食材，呢個價錢就食到真係抵到爛呀。
🔸前菜
前菜有汁煮螺肉同埋沙律。螺肉煮熟後再醃製雪藏，食落好入味，肉實雪得嚟有嚼勁。沙律好新鮮，食落好爽口，個汁酸酸哋好開胃。
🔸北海道帆立貝
帆立貝好新鮮好大粒，喺鐵板上煎完後外層好焦香，食落口感好鮮嫩好彈牙，味道鮮甜，伴碟嘅冬瓜蜆湯汁同帆立貝好夾。
🔸甘鯛
師傅好有功架，以立鱗燒嘅方式烹調，甘鯛嘅外觀好靚，魚鱗燒到好似好有層次感，食落好香脆，魚肉好嫩滑鮮甜。
🔸虎蝦
隻虎蝦好大隻好生猛，師傅將蝦頭嘅蝦膏配上牛油同清油製成醬汁，鮮味十足，蝦肉香煎完肉質實正彈牙，加埋個醬汁就更惹味。
🔸豚肉生薑燒薄餅
豚肉嘅肥瘦好平均，煎完後肉質嫩滑多汁，加上洋蔥絲同生薑再煎多幾吓，吸收埋洋蔥同生薑嘅香味。簿餅皮煎到好香脆，包住精心炮製完嘅豚肉好正。
🔸 美國安格斯牛薄燒
同啱先嘅豚肉簿餅都幾似，唔同嘅係呢道菜選用美國安格斯牛，食落牛味好香濃，再配上炸蒜片，口感同味道都係另一種風格。
🔸美國SRF極級黑毛和牛
黑毛和牛切成厚粒，色澤非常亮麗。師傅煎到大概5成熟，食落好juicy，油脂味亦好香。
🔸鐵板炒飯
炒飯好有鑊氣，米飯炒到粒粒分明，相當高質。食落咸香味適中，兩三啖就食哂成碗。
🔸湯
魚湯呈雪白色，飲落完全唔腥，魚味濃郁，味道好鮮甜。
🔸炒野菜
用上芽菜、雜菌胡、蘿蔔絲、青蔥去炒，食落好清新爽口，平衡返肉類嘅油膩。
🔸甜品
焦糖多士煎到好香脆，焦糖味香濃。開心果雪糕好軟綿，兩者一齊食好夾。
🔸菠蘿可爾必思
用上新鮮菠蘿🍍調製，配有匙羹可以食新鮮菠蘿，飲落好鮮甜好涼快。
🔸百香果梳打
用咗新鮮百香果製作，甜酸度啱啱好，炎炎夏日飲真係勁爽快，仲要夠晒大杯，抵飲！抵食鐵板燒 | $𝟓𝟖𝟖十一品
张贴
