影片
更多
2018-08-29
320 浏览
由於屋企上一輩係越南華僑，對越南菜情有獨鍾，但響香港未食過令人驚艶既越南菜。但響Q1真係食到嫲嫲既味道，令我好有驚喜！Q1未出名我已經開始食，食到依家開埋分店，品質尚算穩定，覺得佢都係實至名歸，抵佢出名。不過近嚟佢份量少咗，希望吾好越嚟越少啦⋯⋯嚟呢度一定要食佢個〈蟹膏蕃茄湯檬〉，係呢度既名物，基本上每枱都有一碗。一上枱你會聞到好香茄香味，又紅又綠咁令人食慾大開。碗湯清清哋咁，但你千其吾好睇少佢，一入口你吾會食到好「假」、甜甜哋既茄膏味，反之，你會食到微酸、好天然既鮮甜味，加上埋蟹香味，真係會令人想k.o.成碗湯！入面有半個蕃茄、生菜、豬紅、豬皮扎肉、豆卜、檬粉同重點！！蟹肉肉餅！！一碗入面你可以食到爽口既豬皮，爆汁既蕃茄同豆卜，仲有鬆化鮮味十足既蟹餅（問番嫲嫲，原來係蟹肉，蟹膏同蛋打成）。口感同味道都有幾重衝擊。不過，有一點我真係好吾滿意，佢既檬粉好碎濕濕，用筷子都夾吾到，要用匙更先食到，希望可以改善下⋯⋯朋友叫咗米卷同香茅豬肉撈檬，米卷我咬咗啖，豬肉我都食咗舊（不過之前我都有食過），豬肉係好香香茅味，略咸咗少少，同埋太油，撈埋檬粉同醃蘿蔔會平衡啲。米卷個花生蘸醬先係重點，好香口，配
Q1未出名我已經開始食，食到依家開埋分店，品質尚算穩定，覺得佢都係實至名歸，抵佢出名。不過近嚟佢份量少咗，希望吾好越嚟越少啦⋯⋯
嚟呢度一定要食佢個〈蟹膏蕃茄湯檬〉，係呢度既名物，基本上每枱都有一碗。一上枱你會聞到好香茄香味，又紅又綠咁令人食慾大開。碗湯清清哋咁，但你千其吾好睇少佢，一入口你吾會食到好「假」、甜甜哋既茄膏味，反之，你會食到微酸、好天然既鮮甜味，加上埋蟹香味，真係會令人想k.o.成碗湯！
入面有半個蕃茄、生菜、豬紅、豬皮扎肉、豆卜、檬粉同重點！！蟹肉肉餅！！一碗入面你可以食到爽口既豬皮，爆汁既蕃茄同豆卜，仲有鬆化鮮味十足既蟹餅（問番嫲嫲，原來係蟹肉，蟹膏同蛋打成）。口感同味道都有幾重衝擊。不過，有一點我真係好吾滿意，佢既檬粉好碎濕濕，用筷子都夾吾到，要用匙更先食到，希望可以改善下⋯⋯
13 浏览
0 赞好
0 留言
朋友叫咗米卷同香茅豬肉撈檬，米卷我咬咗啖，豬肉我都食咗舊（不過之前我都有食過），豬肉係好香香茅味，略咸咗少少，同埋太油，撈埋檬粉同醃蘿蔔會平衡啲。米卷個花生蘸醬先係重點，好香口，配番淡口既米紙卷正好！
大家嚟都會叫牛油果沙冰，真係好足料，有成個牛油果，好天然，同埋好飽。不過我係咖啡控，所以嘆番杯越南咖啡先係我杯茶。講明先，吾係個個中意越南咖啡，因為佢既滴漏咖啡比較苦，再加番濃稠甜膩既煉奶中和番，幾特別既口感。
越南咖啡
$28
15 浏览
0 赞好
0 留言
仲有啊！嚟呢度食通常都要排隊，因為真係好細，得五六張枱。同埋無得慢慢傾計，都幾嘈。想坐得舒服啲可以去灣仔分店，不過食物質素都係深水埗好食啲。
张贴
